Read Kernewek Salmow 146 Bible Online

Salmow 146 - Kernewek bible

Salmow 146

¹Gormelewgh an ARLOEDH. Gormelewgh an ARLOEDH, ow enev.

²Hedre vewiv y hwormolav an ARLOEDH; my a gan gormola dhe'm Duw ha my hwath yn bosva.

³Na drestyewgh yn pennsevigyon, nag yn mab-den, ma nag eus selwyans ynno.

⁴Y anall a dhe-ves, ev a dhehwel dhe'n dor; y'n jydh na yth a y brederow oll dhe goll.

⁵Gwynn y vys neb a'n jeves Duw Yakob yn gweres dhodho, hag yma y drest y'n ARLOEDH y Dhuw,

⁶neb a formyas nev ha nor, an mor ha pup-tra eus ynno; neb a with gwiryonedh bynitha;

⁷neb a wra gwirvreus rag an re arweskys, neb a re boes dhe'n re nownek. An ARLOEDH a dheliver prisnoryon dhe wari;

⁸an ARLOEDH a re golok dhe'n dhellyon. An ARLOEDH a dhrehav an re plegys dhe'n dor; an ARLOEDH a gar an re wiryon.

⁹An ARLOEDH a with an alyons; ev a skoedh an omdhivas ha'n wedhwes, mes fordh an debeles ev a dhomhwel.

¹⁰An ARLOEDH a reyn bynitha, dha Duw, A Sion, a unn henedh dhe'n nessa. Gormelewgh an ARLOEDH.