Read Kernewek Salmow 15 Bible Online

Salmow 15 - Kernewek bible

Salmow 15

¹Salm a Davydh. ARLOEDH, piw a yll wodriga y'th tylda? Piw a yll triga y'th venydh sans?

²Neb a gerdh heb namm, ha gul ewnder, ha kewsel gwirder yn y golonn;

³an den nag eus mikenn war y daves, ha na wra drogober dh'y hynsa, ha na wodhev sklander erbynn y gentrevek;

⁴neb a dhispres an podrynn yn y wolok ev, ha neb a wordh an re a berth own a'n ARLOEDH; neb a de ti kyn fo dh'y dhregynn y honan ha ny dreyl dhiworto;

⁵neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.