Read Kernewek Salmow 2 Bible Online

Salmow 2 - Kernewek bible

Salmow 2

¹Prag y hwra an kenedhlow deray, ha'n poblow devisya taklow euver?

²Myghternedh an norvys a sev, ha'n rewloryon a omgusul war-barth, erbynn an ARLOEDH hag erbynn y Untys:

³‘Terryn ni aga holmow dhe demmyn, ha tewlel aga herdyn dhiworthyn.’

⁴Neb a esedh y'n nevow a hwerth; an Arloedh a wra ges anedha.

⁵Ena ev a gews orta yn y sorr, ha'ga broweghi yn y gonnar:

⁶‘My re worras ow myghtern war Sion, ow menydh sans.’

⁷My a dheriv ordenans an ARLOEDH; ev a leveris dhymm, ‘Ty yw ow mab, hedhyw my re'th tineythis.

⁸Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

⁹Ty a's terr gans gwelenn horn; ty a's brew avel lester gweythor pri.’

¹⁰Ytho bedhewgh fur lemmyn, hwi vyghternedh; bedhewgh dyskys, hwi vreusysi an norvys.

¹¹Servyewgh an ARLOEDH gans own, ha lowenhewgh gans krena.

¹²Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.