Read Kernewek Salmow 20 Bible Online

Salmow 20 - Kernewek bible

Salmow 20

¹Dhe vester an keur. Salm a Davydh. An ARLOEDH re worthyppo dhis yn dydh anken! Hanow Duw Yakob re'th wittho.

²Re dhannvonno ev gweres dhis dhiworth an sentri, ha'th krevhe jy dhiworth Sion!

³Re bortho kov a'th offrynnow oll, ha degemmeres dha offrynnow leskys! Sela.

⁴Re wrontyo dhis mynnas dha golonn, ha kowlwul oll dha gusul.

⁵Kriyn yn lowen y'th selwyans, hag yn hanow an ARLOEDH agan Duw ni a dhrehav agan baneryow. Re gowlwrello an ARLOEDH oll dha wovynnadow.

⁶Lemmyn my a woer an ARLOEDH dhe selwel y Untys; ev a worthyp dhodho dhiworth nevow y sansoleth y'n nerth a selwyans y leuv dhyghow.

⁷Re a drest yn charettow ha re yn mergh; mes ni a berth kov a hanow an ARLOEDH agan Duw.

⁸Plegys yns dhe'n dor, ha koedhys; mes ni a omdhrehav, ha sevel fast.

⁹A ARLOEDH, salw an Myghtern; ha gorthyp dhyn y'n jydh may helwyn.