Read Kernewek Salmow 43 Bible Online

Salmow 43 - Kernewek bible

Salmow 43

¹Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

²Rag ty yw Duw ow skovva, prag re'm skonsys? Prag yth av vy ow kyni drefenn arwask an eskar?

³Dannvon dha wolow ha'th wirder, rag ma'm hembronkons, ha'm doen dhe'th venydh sans ha dhe'th tabernaklys.

⁴Ena yth av vy dhe alter Duw, dhe Dhuw joy ow lowender; ha war an sowtri my a'th wormel, A Dhuw, ow Duw.

⁵Prag yth osta mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.