Read Kernewek Salmow 52 Bible Online

Salmow 52 - Kernewek bible

Salmow 52

¹Dhe vester an keur. Maskil a Davydh, pan dheuth Doeg an Edomyas ha leverel dhe Sowl, ‘Re dheuth Davydh dhe ji Ahimelek.’ Prag y fostydh yn drogober, ty vreselyas? Tregeredh Duw a dhur oll an jydh.

²Dha daves a breder terroes, yth yw avel altenn lymm, ow kul falsuri.

³Ty a gar drog moy ages da, ha gowleverel moy ages kewsel gwiryonedh. Sela.

⁴Ty a gar oll geryow fell, ty fals taves.

⁵Duw ynwedh a'th tistru bynitha; ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew. Sela.

⁶An re wiryon a wel, ha perthi own, ha hwerthin orto:

⁷‘Ottomma an gour na wrug Duw y skovva, mes ev a drestyas yn y rychys meur, ha hwila skovva yn y sherewneth.’

⁸Mes my yw avel olewbrenn glas yn chi Duw. My a drest yn tregeredh Duw bys vykken ha bynnari.

⁹My a'th wormel bynitha, rag ty dhe wul hemma, ha fydhya a wrav vy y'th hanow, rag da yw, a-wel dhe'th syns.