Read Kernewek Salmow 54 Bible Online

Salmow 54 - Kernewek bible

Salmow 54

¹Dhe vester an keur: gans daffar kerdyn. Maskil a Davydh, pan eth an Zifysi ha leverel dhe Sowl, ‘Yma Davydh yn-dann gudh yntredhon.’ Salw vy, A Dhuw, a-barth dha hanow, ha breus vy y'th nerth.

²Klew ow fysadow, A Dhuw; ro skovarn dhe lavarow ow ganow.

³Rag estrenyon re sevis er ow fynn, ha tus fell a hwila ow enev, na worrsons Duw a-dheragdha. Sela.

⁴Otta, Duw yw ow gwereser; yma an Arloedh gans an re a skoedh ow enev.

⁵Ev a attal drog dhe'm eskerens; kis i y'th wirder.

⁶My a wra sakrifis dhis gans offrynn bolonjedhek; my a wormel dha hanow, rag y vos mar dha.

⁷Rag ev re'm delivras dhiworth pub anken, ha'm lagas re welas y vynnas war ow eskerens.