Read Kernewek Salmow 6 Bible Online

Salmow 6 - Kernewek bible

Salmow 6

¹Dhe vester an keur: gans daffar kerdyn; war Sheminith. Salm a Davydh. A ARLOEDH, na rebuk vy y'th sorr, ha na geredh vy y'th konnar.

²Bydh grassyes orthiv, A Arloedh, rag difreth ov vy; yaghha vy, A ARLOEDH, rag ow eskern yw troblys.

³Ow enev ynwedh yw pur dhyegrys. Mes ty, A ARLOEDH — pygemmys prys?

⁴Dehwel, A ARLOEDH, delirv ow enev; salw vy a-barth dha dregeredh.

⁵Rag yn ankow nyns eus kov ahanas; piw a'th wormel y'n bedh?

⁶Skwith ov vy a'm hanasa; pub nos my a lyb ow gweli; gans ow dagrow my a soub ow growedhva.

⁷Ow lagas a fyll drefenn poenvos; ev a wannha drefenn ow eskerens oll.

⁸Diberthewgh dhiworthiv, hwi dhrogoberoryon oll; rag an ARLOEDH re glewas lev ow oelva.

⁹An ARLOEDH re glewas ow govynnadow; an ARLOEDH a dhegemmer ow fysadow.

¹⁰Oll ow eskerens a berth meth hag a vydh troblys yn feur; i a dreyl war-dhelergh, hag a berth meth yn tromm.