Read Kernewek Salmow 67 Bible Online

Salmow 67 - Kernewek bible

Salmow 67

¹An penn-kenysi: gans daffar kerdyn. Salm. Kan. Duw re bo grassyes orthyn, ha'gan benniga ha re wrello dh'y fas golowi warnan. Sela.

²Rag may fo dha fordh aswonnys war an nor, dha selwyans yn mysk oll an kenedhlow.

³Re'th wormello an poblow, A Dhuw; re'th wormello oll an poblow.

⁴Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

⁵Re'th wormello an poblow, A Dhuw; re'th wormello oll an poblow.

⁶An nor re ros y drevas; Duw, agan Duw re'gan bennigas.

⁷Duw re'gan bennikko; ha perthes own anodho oll pennow an norvys.