Read Kernewek Salmow 72 Bible Online

Salmow 72 - Kernewek bible

Salmow 72

¹Salm Solomon. Ro dha vreusow dhe'n myghtern, A Dhuw, ha'th ewnder dhe vab an myghtern.

²Re vreusso ev dha bobel gans ewnder, ha'th voghosogyon gans gwirvreus.

³Re dhrollo an menydhyow kres dhe'n bobel, ha'n brennow, dre ewnder.

⁴Re vreusso ev an voghosogyon yn mysk an bobel, ha re sawyo mebyon an den edhommek, ha brewi an den a'm gwask.

⁵Re borthons own ahanas[13] hedre vo an howl ow pesya, ha hedre vo an loer, a unn henedh dhe'n nessa.

⁶Ev a dhiyskynn avel glaw war an gwels goera, avel kowasow a dhowrha an nor.

⁷Yn y dhydhyow gwiryonedh a vleujyow, ha palster kres, erna hettho an loer.

⁸Hag ev a'n jeves maystri a vor dhe vor, ha dhiworth an avon bys yn pennow an norvys.

⁹An re usi trigys y'n difeyth a bleg a-dheragdho; y eskerens a lap an doust.

¹⁰Myghternedh Tarshish ha'n ynysow a re trubyt; myghternedh Sheba ha Seba a dhre rohow.

¹¹Ha'n vyghternedh oll a omblek a-dheragdho; oll an kenedhlow a vydh y sojets.

¹²Rag ev a dhelirv an edhommek pan gri rag gweres, ha'n boghosek ma nag eus dhodho gwereser.

¹³Ev a gemmer truedh a'n den gwann ha'n edhommek, hag ev a selow enevow an edhommogyon.

¹⁴Ev a bren aga enev dhiworth arwask ha garowder, ha drudh vydh aga goes yn y wolok ev.

¹⁵Ev a vew, ha dhodho y fydh res owr dhiworth Sheba; i a bys ragdho heb hedhi, ha'y venniga oll an jydh.

¹⁶Y fydh kals ys y'n nor ow tegrena war benn an menydhyow; y frut a vydh avel Lebanon, ha tus an sita a siwen avel gwels an nor.

¹⁷Y hanow a dhur bys vykken; y hanow a vydh fastys a-dherag an howl; tus a vydh bennigys ynno; an kenedhlow oll a'n gelow bennigys.

¹⁸Bennigys re bo an ARLOEDH Duw, Duw Ysrael, neb y honan a wra marthusyon;

¹⁹Ha bennigys re bo y hanow gloryus bynitha, hag oll an nor a vydh lenwys a'y wolewder. Amen hag Amen.

²⁰Pysadow Davydh mab Yesse yw diwedhys.