Read Kernewek Salmow 75 Bible Online

Salmow 75 - Kernewek bible

Salmow 75

¹Dhe vester an keur: Al Tashheth. Salm a Asaf. Kan. Ni a woer gras dhis, A Dhuw; my a woer gras, rag ogas yw dha hanow; i a dheriv dha varthusyon.

²‘Y'n prys apoyntys my a vreus gans ewnder.

³An nor a deudh ha myns eus trigys ynno; my yw neb a fast y golovenyow.’ Sela.

⁴My a leveris dhe'n re woethus, ‘Na vostyewgh’, ha dhe'n debeles, ‘Na dhrehevewgh agas korn.

⁵Na dhrehevewgh agas korn mar ughel, ha na gewsiwgh howtyn dha gonna.’

⁶Rag nyns yw dhiworth an howldrevel na dhiworth an worlewin, na dhiworth an difeyth, y teu ughelheans.

⁷Mes Duw yw an breusyas; ev a iselha unn den hag ughelhe den arall.

⁸Rag yn leuv an ARLOEDH yma hanaf, hag ewynek yw an gwin, kemmyskys yn leun, hag ev a dhinwa anodho. Mes an godhes anodho, oll tebeles an nor a'n lenk ha'y eva.

⁹Mes my a'n deriv bynitha, ha kana gormola dhe Dhuw Yakob.

¹⁰Oll kern an debeles a droghav dhe-ves, ha kern an re wiryon a vydh ughelhes.