Read Kernewek Salmow 82 Bible Online

Salmow 82 - Kernewek bible

Salmow 82

¹Salm a Asaf. Duw a sev yn kuntelles nev; ev a vreus yn mysk an duwow.

²‘Pygemmys prys y freusowgh yn kamm, ow plegya dhe'n debeles? Sela.

³Rewgh gwirvreus dhe'n den gwann ha dhe'n omdhivas; mentenewgh gwiryow an boghosek ha'n edhommek.

⁴Difresiwgh an den gwann ha'n boghosek; gwrewgh aga delivra dhiworth leuv an debeles.’

⁵Ny wodhons ha ny gonvedhons, mes i a gerdh yn-rag yn tewolgow; oll selyow an nor a gren.

⁶My a leveris, ‘Hwi yw duwow, ha hwi oll yw fleghes an Ughella.

⁷Byttegyns hwi a verow avel mab-den, ha koedha avel onan a'n bennternedh.’

⁸Sav, A Dhuw, breus an nor; rag ty a erit an kenedhlow oll.