Read Kernewek Salmow 96 Bible Online

Salmow 96 - Kernewek bible

Salmow 96

¹Kenewgh dhe'n ARLOEDH kan nowydh; kenewgh dhe'n ARLOEDH, oll an norvys.

²Kenewgh dhe'n ARLOEDH, bennigewgh y hanow; diskwedhewgh y selwyans a dhydh dhe dhydh.

³Derivewgh y wolewder yn mysk an kenedhlow, y varthusyon yn mysk oll an poblow.

⁴Rag meur yw an ARLOEDH, ha pur wiw yw y wormel; res yw perthi own anodho dres oll duwow.

⁵Rag oll duwow an kenedhlow yw fals, mes an ARLOEDH a wrug an nevow.

⁶Yma enor ha meuredh a-dheragdho; yma nerth ha tekter yn y sentri.

⁷Rewgh dhe'n ARLOEDH, hwi deyluyow a'n poblow, rewgh dhe'n ARLOEDH gordhyans ha nerth.

⁸Rewgh dhe'n ARLOEDH an gordhyans a dhegoedh dh'y hanow; drewgh offrynn, ha dewgh yn y glosyow.

⁹Gordhyewgh an ARLOEDH yn tekter sansoleth; kren a-dheragdho, oll an norvys.

¹⁰Leverewgh yn mysk an kenedhlow, ‘Yma an ARLOEDH ow reynya! An nor devri yw fastys, heb krena; ev a vreus an poblow gans ewnder.’

¹¹Lowenhes an nevow, ha bedhes an norvys heudhik; tarennes an mor, ha myns eus ynno;

¹²bedhes an gwel fest heudhik ha myns eus ynno. Ena y lowenha oll gwydh an koes

¹³a-dherag an ARLOEDH; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y wirder.