Read Kernewek Siragh 15 Bible Online

Siragh 15 - Kernewek bible

Siragh 15

¹Neb a berth own a'n Arloedh a wra hemma, ha neb a dhalghenn y'n lagha a gyv furneth.

²Hi a dheu dhe vetya orto kepar ha mamm, ha kepar ha benyn bries yowynk, yndella hi a'n dynnergh.

³Hi a'n mag gans an bara a gonvedhes, ha ri dhodho an dowr a furneth dhe eva.

⁴Ev a boes warnedhi ha ny goedh ev, hag ev a greg warnedhi ha ny vydh ev shamys.

⁵Hi a'n ughelha a-ugh y gentrevogyon, hag igeri y anow yn kres an kuntelles.

⁶Ev a gyv lowender ha kurun a heudhder, ha degemmeres hanow heb diwedh.

⁷Ny wra an re dalsogh hy havoes, ha ny wra peghadoryon hy gweles.

⁸Pell yw hi dhiworth goeth ha nevra ny breder gowygyon yn hy hever.

⁹Nyns yw gormola gwiw war dhiwweus peghador, drefenn nag o dannvenys dhiworth an Arloedh.

¹⁰Rag y telledh bos gormola leverys yn furneth, ha'n Arloedh a wra dhodho siweni. Rydhses Bodh Mab-den

¹¹Na lever, ‘Drefenn an Arloedh yth yth vy yn sowdhan’; rag ny wra ev an pyth a gas.

¹²Na lever, ‘Ev yw neb a'm ledyas yn sowdhan’, rag nyns eus edhomm dhodho a beghador.

¹³An Arloedh a gas pub tra gasadow, ha nyns yns kerys gans an re a berth own anodho.

¹⁴Yth yw ev neb a wrug den y'n dallethvos, hag ev a'n gasas yn nerth y vodh y honan.

¹⁵Mar mynnydh, ty a yll gwitha an arghadowyow, ha gul yn lel an pyth a vynnydh.

¹⁶Ev re worras a-dheragos tan ha dowr; ystynn dha leuv dhe gavoes pyneyl a vynnydh.

¹⁷A-dherag den yw bewnans hag ankow, ha pyneyl a dhewis ev a vydh res dhodho.

¹⁸Rag meur yw furneth an Arloedh; galloesek yw ev yn nerth, hag ev a wel pup-tra;

¹⁹yma y lagasow war an re a berth own anodho, hag ev a aswonn pub gweythres a dhen.

²⁰Ny worhemmynnis dhe dhenvyth bos didhuw, na ros kummyas dhe dhenvyth dhe begha.