Read Kernewek Siragh 16 Bible Online

Siragh 16 - Kernewek bible

Siragh 16

¹Kessydhyans Peghadoryon Na hwans meur a fleghes dhiles, na lowenhe yn mebyon dhidhuw.

²Mar kressyons, na lowenha ynna, marnas mars usi own a'n Arloedh ynna.

³Na drest yn treusvewnans dha fleghes, ha na fydh yn aga niverow; rag gwell yw onan es mil, ha merwel anvap yw gwell es kavoes fleghes dhidhuw.

⁴Rag der unn den a gonvedhes sita a yll bos lenwys a dus, mes hi a yll bos diboblys dre gordh a dus dhilagha.

⁵Ow lagas re welas lies tra a'n par na, hag ow skovarn re glewas taklow moy poesek es an re ma.

⁶Yn kuntelles a beghadoryon y fydh tan enowys, hag yn kenedhel dhiwostydh sorr a dhew.

⁷Ny wrug dehwelyans rag an gewri goth, neb a rebellyas yn oll aga nerth.

⁸Ny sparyas kentrevogyon Lot a gasas ev dre reson a'ga balghder.

⁹Ny gemmeres piteth a genedhel breusys dhe dhistruyans, rag an re a veu distruys yn aga feghosow;

¹⁰na rag an hwegh kans mil droesek a guntellas yn kaletter aga holonn.

¹¹Mar ny ve saw unn den kales y gilbenn, y fia marthys mar pessya ev heb kessydhyans. Rag yma mersi ha sorr ganso; galloesek yw ev dhe ava, mes ynwedh ev a dhinew sorr.

¹²Mar veur dell yw y versi, yndella ynwedh yth yw y geredh; ev a vreus gour herwydh y wriansow.

¹³Ny dhiank peghador gans y breydh, ha ny vydh lestys perthyans an den duwek.

¹⁴Ev a wra spas rag pub gwrians a versi; ha peub a dhegemmer herwydh y wriansow.

¹⁵An Arloedh a galeshas Faro ma na'n aswonnis, may fe y wriansow aswonnys yn-dann nev.[12]

¹⁶Apert dhe wrians oll yw y dregeredh; hag ev a wrug dibarth ynter y wolow ha'n tewlder gans plemmik.

¹⁷Na lever, ‘My a vydh kudhys dhiworth an Arloedh, ha piw y'n ughelder a'm kovha? Yn mysk kemmys tus, ny vydhav aswonnys, rag pyth yw ow enev y'n gwrians efan?

¹⁸Otta, an nev ha'n nev a nevow, an islonk ha'n bys, a gren orth y dhevedhyans.

¹⁹An menydhyow ha selyow an norvys a gren ha krysya pan vir ev orta.

²⁰Ny yll kolonn prederi a-dro dhe hemma. Piw a yll konvedhes y fordhow?

²¹Kepar hag annawel na yll denvyth y weles, yndella yth yw an brassa rann a'y wriansow yn-dann gel.

²²Piw a dheriv y weythresow a ewnder? Piw a's gorta? Rag yma'n kevambos pell dhe-ves.’

²³Hemm yw an pyth a dyb den heb konvedhes; gour talsogh ha foll a dyb yn foll. Furneth Duw Gwelys y'n Kreashyon

²⁴Goslow orthiv, ow mab, ha kyv godhvos, hag attend ow geryow gans rach.

²⁵My a brof dhis dyskans orth poes, ha derivas godhvos yn kewar.

²⁶Y'n dalleth[13] pan wrug an Arloedh y wriansow, ha wosa aga gul ervira aga rannow,

²⁷ev a dhesedhas y oberow yn aray bys vykken, ha fastya aga arloetteth rag oll an henedhow. Nyns eus naneyl nown na skwithter dhedha ha ny asons aga lavuryow.

²⁸Ny herdhyons an eyl erbynn y gila, ha nevra ny dhisobayons i y er.

²⁹Wosa hemma an Arloedh a viras orth an norvys, ha'y lenwel a'y daklow da.

³⁰Ev a worheras y enep gans pub sort a groadur bew, ha dhe'n dor i a dhehwel.