Read Kernewek Siragh 18 Bible Online

Siragh 18 - Kernewek bible

Siragh 18

¹Meuredh Duw Ev neb a vew bys vynnari a greatyas pup-tra yn kemmyn;

²nyns eus arall prevys gwiryon marnas an Arloedh, ha nyns eus arall marnas ev,

³neb a lew an bys gans palv y leuv, ha pup-tra yw gostydh dh'y vodh; rag ev yw myghtern pup-tra oll, ha der y nerth ev a wra diberth ynter taklow sans hag ansans.

⁴Ny ros ev kummyas dhe dhenvyth dhe dherivas y weythresow; ha piw a yll hwithra y oberow meur?

⁵Piw a yll musura nerth y alloes? Ha piw a yll keworra dhe dherivas y dregeredhow?

⁶Ny yllir aga lehe na'ga kressya, na ny yllir hwithra anethow an Arloedh.

⁷Den pan worfenn y ober, nyns usi ev marnas ow talleth, ha pan hedh, ev a vydh penndegys.

⁸Pyth yw den, ha rag pyth yw ev dhe les? Pyth yw y dhader, ha pyth yw y dhrog?

⁹Sommenn dydhyow den yw kans blydhen dhe'n moyha.

¹⁰Kepar ha deverenn a dhowr dhiworth an mor ha greunenn a dewes, yndella yth yw boghes vlydhynyow yn jydh a dermyn heb diwedh.

¹¹Rakhenna an Arloedh a dhiskwa perthyans dhedha hag ev a dhiver y dregeredh warnedha.

¹²Ev a vir orta, hag aswonn aga thenkys dhe vos drog; rakhenna ev a wront gevyans dhedha yn palster.

¹³Truedh den yw rag y gentrevek, mes truedh an Arloedh yw rag oll kig. Ev a's keredh, ha'ga dyskybla, ha'ga dyski, ha gul dhedha treylya dhe-dre, avel bugel y bara.

¹⁴Truedh a'n jeves rag an re a gemmer y dhyskybleth hag a fisten dhe witha y vreusow. Kuvder hag Alusenow

¹⁵Ow mab, na worr namm y'th oberow da, ha na ro duwon gans dha eryow pan redh neppyth.

¹⁶A ny wra an gluth siwajya an toemmder? Yndella, ger yw gwell es ro.

¹⁷Yn tevri, a nyns yw ger gwell es ro da? Y kevir an dhew yn gour grassyes.

¹⁸Heb gras ha diskortes yw foll, ha ro a dhen avius a wra dhe lagasow omwetha. Omhwithrans

¹⁹Kyns es ty dhe gewsel, dysk, ha kyns es ty dhe vos yn klav, gwith dha yeghes.

²⁰Kyns breus, hwither dha honan, hag yn termyn vysytashyon ty a gyv gevyans.

²¹Kyns ty dhe vos yn klav, omuvelha, ha pan esos war vin pegha, dhiskwedh edrega.

²²Na as travyth dhe'th lesta a gewera ambos a-boynt, ha na worta bys vernans rag delivrans dhiworto.

²³Kyns ty dhe wul ambos ombareus; ha na vydh kepar ha den a brev an Arloedh.

²⁴Perth kov a'y sorr yn dydhyow dha dhiwedh, hag a dermyn dial pan dreyl ev y fas dhe-ves.

²⁵Yn termyn palster, kovha an termyn a nown; y'n dydhyow a gevoeth porth kov a voghosogneth hag edhomm.

²⁶Studhyow a janj yntra myttin ha nos, ha pup-tra a dreyl yn skav a-dherag an Arloedh.

²⁷Den fur a vydh prederus yn pup-tra oll, hag yn dydhyow a beghosow ev a vydh war a gammweythres.

²⁸Pub den poellek a aswonn furneth, hag ev a re gormola dhe seul a's kaffo.

²⁹An re yw skiansek yn lavarow, i aga honan a dheu ha bos fur, ha diveri henlavarow kewar. Omrewl

³⁰Na hol dha ewlow isel, mes fronna dha hwansow.

³¹Mar kesydh dha enev dhe lowenhe gans hwansow isel, henna a wra dhis bos skorn dha eskerens.

³²Na lowenha yn bewnans a palster, ma na vi yn edhomm der y gost.

³³Na dheu ha bos beggyer ow kevewya gans arghans chevisys, ha ty heb travyth yn dha yalgh; rag ena ty a vydh avius a'th vewnans dha honan.[14]