Read Kernewek Siragh 22 Bible Online

Siragh 22 - Kernewek bible

Siragh 22

¹An Den Diek Den diek yw haval dhe ven plos gans kawgh, ha pubonan a hwiban orth y vismer.

²Den diek yw haval dhe bellenn a deyl; neb a'n kemmer yn-bann a'n shak yn-mes a'y leuv. Fleghes Legrys

³Mewl yw bos tas dhe vab andhyskyblys, ha dineythyans myrgh yw koll.

⁴Myrgh dhoeth a dhre eretons dh'y gour, mes myrgh dhiveth a dhre anken dh'y thas.

⁵Myrgh dont a dhisenor hy thas ha'y gour, hag yw dispresys gansa aga dew.

⁶Keskows mes a-brys yw haval dhe venestrouthi yn termyn kynvann, mes hwyppys ha dyskybleth yw furneth pup-prys.

⁷Mar pyw fleghes yn onest ha kavoes pygans, i a gel iselder aga dineythyans;

⁸mes fleghes yw howtyn ha chorlek, dre vismer ha fowt dyskybleth, a namm bryntinses aga dineythyans.[20] Furneth ha Follenep

⁹Piwpynag a dhysk foll yw haval dhe neb a lus war-barth darnow lestri, po neb a dhifun koskador a'y hunes down.

¹⁰Piwpynag a lever hwedhel dhe foll a'n lever dhe dhen hunyek; hag y'n diwedh ev a lever, ‘Pandra yw?’

¹¹Oel rag an den marow, rag golow re fyllis dhodho; hag oel rag an foll rag ev re eskasas y skians. Oel le rag an den marow, rag yma ev ow powes; mes bewnans an foll yw gweth ages mernans.

¹²Kynvann rag an den marow a bes seyth dydh, mes rag foll ha den didhuw, y pes dydhyow oll y vewnans.

¹³Na ystynn dha gows gans foll na vysytya den talsogh. Omwith dhiworto ma na' fo ahwer, ma na vi defolys gans y follneth. Diberth anodho ha ty a gyv powes, ha ny vydhydh skwithhes gans y vuskogneth.

¹⁴Pyth yw poessa ages plomm? Ha pyth yw y hanow marnas ‘Foll’?

¹⁵Tewes, hoelan, ha tamm a horn yw esya dhe berthi ages den talsogh.

¹⁶Keber a brenn kelmys yn fyrv yn drehevyans ny yll bos lewsys gans dorgrys; yndellma kolonn ervirys fyrv wosa kusul dhoeth ny's teves own yn barras.

¹⁷Kolonn fastys dre breder poellek yw haval dhe blaster teg war fos leven.

¹⁸Kloesyow settys war dyller ughel ny sev fast erbynn an gwyns; yndellma kolonn ownek gans ervirans den foll ny sev fast erbynn own pynag. Kowethyans

¹⁹Neb a big an lagas a dhre dagrow, ha neb a big an golonn a's gwra dhe dhiskudha hy omglewans.

²⁰Neb a dewl men orth ydhyn a's chas dhe-ves, ha neb a villik koweth a dhistru kowethyans.

²¹Mar tennydh kledha erbynn koweth, na goedh yn desper, rag yma fordh dhe dhehweles.

²²Mar igerydh dha anow erbynn dha goweth, na vydh prederus, rag akord a yll bos restorys. Mes milliga, balghder, diskudhans a gevrinyow, po goli traytus — y'n kasow ma pub koweth a fi dhe'n fo.

²³Dendil fydhyans dha gentrevek yn y voghosogneth, may lowenhahi ganso yn y siwena. Sev rybdho yn termyn ahwer may kevrenni ganso yn y eretons.

²⁴Ethenn ha mog an fornes a dheu kyns an tan; yndella y teu arvedhennow kyns krow.

²⁵Ny'm bydh meth a woskeusi koweth, ha ny omgudhav a-dhiworto.

²⁶Mes mar teu dregynn dhymm a'y wovis, piwpynag a glew anodho a vydh war anodho. Pysadow rag Gweres erbynn Pegha

²⁷Unnweyth a pe goelyador settys war ow ganow, ha sel a dhoethter war ow diwweus, ma na goetthen dredha, ha ma na'm distrua ow thaves!