Read Kernewek Siragh 26 Bible Online

Siragh 26 - Kernewek bible

Siragh 26

¹Gwynnvys an Gour a Wreg Dha Gwynnvys an gour a wreg dha; niver y dhydhyow a vydh dewblekhes.

²Gwreg lel a lowenha hy gour, hag ev a gollenow y vlydhynyow yn kres.

³Gwreg dha yw bennath veur; hi a vydh grontys yn mysk bennathow an re a berth own a'n Arloedh.

⁴Po golusek po boghosek, y golonn yw lowen, ha pup-prys y fas yw lowenek. Tebelwreg

⁵Rag tri thra ow holonn a's teves own, ha rag an peswora my a'm beus own meur; sklander y'n sita, kuntelles routh, ha fals kuhudhans — oll an re ma yw gweth ages mernans.

⁶Mes yma anken kolonn hag ahwer pan vo gwreg avius a wreg arall, ha skorja hy thaves yw kemmyn dhe oll an peswar.

⁷Gwreg dhrog yw yew a rut; hy synsi yw haval dhe dhalghenna skorpyon.

⁸Gwreg vedhow a dhre sorr meur; ny yll hi kudha hy sham hy honan.

⁹Gwreg avoutrek a yll bos aswonnys dre hy golok howtyn ha kroghen hy lagas.

¹⁰Gwith yn stroeth war vyrgh benn-kales, poken pan gyv frankedh, hi a wra devnydh drog anodho.

¹¹Omwith dhiworth hy lagasenn dont, ha na gemmer marth mar kwra kamm er dha bynn.

¹²Dell iger tremenyas y anow ha dhodho syghes, hag eva a dhowr pynag yn y ogas, yndellma hi a esedh a-rag pub ebil-tylda hag igeri hy goen dhe'n seth. Bennath Gwreg Dha

¹³Gwreg rasek a bles hy gour, ha'y sleyghneth a worr kig war y eskern.

¹⁴Gwreg dawesek yw ro an Arloedh, ha nyns eus travyth mar dhrudh avel enev dyskyblys.

¹⁵Gwreg glor a geworr ras dhe ras, ha ny yll mantolyow poesa bri hy omrewl.

¹⁶Avel an howl ow sevel yn ughelderyow an Arloedh, yndellma yth yw tekter gwreg dha yn dyghtyans hy chi.

¹⁷Avel lugarn ow splanna war an kantolbrenn sans, yndellma yth yw fas teg war gorf adhves.

¹⁸Avel kolovenyow owrek war selyow a arghans, yndellma yth yw diwarr deg ha dewufern fyrv.

¹⁹Ow flogh, gwith yagh flour dha yowynkneth, ha na ro dha wouroleth dhe estrenyon.[30]

²⁰Hwila park feyth a-ji dhe'n plen oll, ha'y hasa gans dha has dha honan, ow fydhya y'th devedhyans nobyl.

²¹Yndellma dha agh a siwen, ha gans fydhyans yn aga devedhyans nobyl, i a dheu ha bos meur.

²²Hora yw synsys avel trew, ha benyn dhemmedhys yw marowji dh'y garoryon.

²³Gwreg dhidhuw yw res avel rann dhe wour dilagha, mes gwreg dhuwek yw res dhe wour a berth own a'n Arloedh.

²⁴Benyn dhiveth a omdhek yn tivlas, mes myrgh glor a vydh onest hwath a-rag hy gour.

²⁵Gwreg benn-kales yw synsys avel gast, mes neb a's teves omglewans a veth a berth own a'n Arloedh.

²⁶Benyn a enor hy gour a vydh synsys dhe vos fur gans peub, mes mara'n disenor yn hy balghder, hi a vydh aswonnys gans peub avel didhuw. Lowen yw gour gwreg dha; rag niver y vlydhynyow a vydh dewblekhes.

²⁷Gwreg ughel hy lev ha tavosek yw avel hirgorn batel, ha gour gans gwreg avel henna a spen y vewnans yn bresel. Tri Thra Ankensi

²⁸Yma dew dra a dhuwenha ow holonn, ha'n tressa a'm gwra serrys; gour rych[31] hag a dheuth ha bos boghosek, gwer boellek yw dyghtys gans bismer, ha den a gildenn a wiryonses dhe begh — an Arloedh a'n darbar dhe'n kledha.

²⁹Skant ny yll marchont omwitha a dhrogober, na nyns eus gwikor ankablus a begh.