Read Kernewek Siragh 27 Bible Online

Siragh 27 - Kernewek bible

Siragh 27

¹Lies re beghas rag budh,[32] ha neb a hwila bos rych a dreyl dhe-ves y lagas.

²Dell vydh ebil-tylda gorrys yn fyrv yn fols yntra meyn, yndellma pegh yw gennys yntra gwertha ha prena.

³Mar nyns yw den fyrv yn own a'n Arloedh, y ji a vydh domhwelys yn skon. Provow yn Bewnans

⁴Pan vydh shakys an rider, an atal a drig; yndellma y hwra mostedhes den yn y gows.

⁵An forn a brev lestri an priweythor; yndellma yma prov den yn y resna.

⁶Hy frut a dhiskudh gonisogeth gwydhenn; yndellma kows den a dhiskudh prederow y golonn.

⁷Na wormel gour kyns ev dhe gewsel, rag y'n fordh ma tus yw prevys. Gober ha Kessydhyans

⁸Mar holydh ewnder, ty a'n kyv ha'y wiska avel goen gloryus.

⁹Ydhyn a neyth gans aga eghenn aga honan, yndellma gwirder a dheu dhe dre dhe'n re a'n gweythres.

¹⁰Lew a gontrewayt preydh; yndellma pegh a gontrewayt an dhrogoberoryon. Kows Fur ha Foll

¹¹Keskows den duwek yw pup-prys fur, mes an foll a janj avel an loer.

¹²Yn mysk tus talsogh hwila chons dhe omdenna, mes gorta termyn hir yn mysk tus prederus.

¹³Kows fellyon yw divlas, ha'ga yma aga hwarth yn drokhwans peghus.

¹⁴Aga molleth ha millik a wra an gols dhe sevel serth, ha'ga hedrynnow a wra dhe re erell stoppya aga skovarn.

¹⁵Strif an re woethus a led dhe skoellya goes, Ha'ga milliga yw ankensi dhe'n skovarn. Trayta Kevrinyow

¹⁶Neb a drayt kevrinyow a dhistru fydhyans, ha ny gyv nevra koweth hegar.

¹⁷Kar dha goweth ha bydh lel dhodho; mes mar traytydh y gevrinyow, na hol war y lergh.

¹⁸Rag dell dhistru den y eskar, yndellna ty re dhistruis kowethyans dha gentrevek.

¹⁹Kepar dell as den edhen dhe dhiank yn-mes a'y leuv, yndellma ty re asas dha gentrevek dhe vos ha ny'n kechydh arta.

²⁰Na hol war y lergh, rag re bell yw gyllys, ha dienkys avel ewik a'n antell.

²¹Rag goli a yll bos lystennys, hag yma akord wosa arvedhenn, mes piwpynag re draytas kevrinyow yw heb govenek. Fayntys ha Dial

²²Piwpynag a wynk gans an lagas a vras dregynn, ha'n re a'n aswonn a ombellha dhiworto.

²³Y'th wolok y anow yw oll hwekter, hag ev a wra vri a'th heryow; mes a-wosa ev a dreyl y gows ha gans dha eryow dha honan ev a wra dhis trebuchya.

²⁴My re gasas lies tra, mes den a'n par na dres pup-tra; an Arloedh ynwedh a'n kas.

²⁵Piwpynag a dewl men ewn war-vann a'n tewl war y benn y honan, ha boemm toellus a iger lies goli.

²⁶Piwpynag a bal pytt a goedh ynno, ha piwpynag a sett maglenn a vydh kechys ynni.

²⁷Neb a wra drog, henna a rol arta warnodho, ha ny wodhvydh a-ble y teuth.

²⁸Den orgelus a skorn hag arvedh tus erell, mes dial avel lew a'n kontrewayt.

²⁹An re a lowenha yn koedh an re wiryon a vydh kechys yn maglenn, hag angoes a's kemmer kyns aga mernans. Dial ha Sorr

³⁰Dial ha sorr, an re ma ynwedh yw kasadow, mes peghador a's kyv aga dew.