Read Kernewek Siragh 3 Bible Online

Siragh 3 - Kernewek bible

Siragh 3

¹Dever Fleghes Goslowewgh orthiv, agas tas, A fleghes, ha gul yndella, may fydhowgh gwithys yn sawder.

²Rag an Arloedh re enoras tas a-ugh fleghes, hag ev re fastyas reyth an vamm a-ugh hy mebyon.

³Piwpynag a enor y das a wra dehwelyans a beghosow,

⁴ha piwpynag a enor y vamm yw kepar hag onan a guntell tresor yn y withva.

⁵Piwpynag a enor y das a'n jevydh joy yn y fleghes y honan, ha pan bys ev, klewys vydh.

⁶Piwpynag a enor y das a'n jevydh bewnans hir, ha piwpynag a obay an Arloedh a re powes dh'y vamm.

⁷Ev a serv y gerens avel mestrysi.

⁸Enor dha das gans ger ha gwrians, may teffo warnas bennath dhiworto.

⁹Rag bennath tas a grevha gwreydh[3] an fleghes, mes molleth mamm a dhiwreydh an plans yowynk.[4]

¹⁰Na ro glori dhis dha honan dre dhisenora dha das, rag nyns yw disenor dhe'th tas enor dhiso jy.

¹¹Rag y teu glori den der enora y das, ha mewl yw mar ny wra fleghes enora aga mamm.

¹²A flogh, gweres dha das[5] yn y henys, ha na wra grev dhodho der y vewnans oll;

¹³hwath mar fyll y vrys, diskwa perthyans; na wra y dhispresya rag ty dhe vos yn oll dha nerth.

¹⁴Rag ny vydh ankevys kuvder dhe das, hag erbynn dha beghosow hemma a vydh rag dha les;

¹⁵Yn dydh dha alar, hemma a vydh kovhes dhe'th favour; kepar ha rew yn termyn kewer deg, dha beghosow a deudh dhe-ves.

¹⁶Piwpynag a forsak y das yw kepar ha blasfemer, ha piwpynag a serr y vamm yw milligys gans an Arloedh. Uvelder

¹⁷Ow mab, gwra dha oberennow yn klorder; ena ty a vydh kerys gans tus yw plegadow dhe'n Arloedh.

¹⁸Dhe voy yth osta meur, dhe voy yth yw res ‎ בְּנִי הִתְחַזֵּק בִּכְבוֹד אָבִ֑יךָ (Sir. 3:12 SIRT)dhis omuvelhe; yndella ty a gyv gras a-dherag an Arloedh.

¹⁹Meur a dus yw ughel ha gerys-da: mes diskudhys yw kevrinyow dhe'n re glor.

²⁰Rag meur yw nerth an Arloedh; gordhys yw ev gans an re uvel.

²¹Na hwila an pyth yw re gales ragos, ha na hwither an pyth yw dres dha alloes.

²²Preder a'n taklow re beu gorhemmynnys dhis, rag nyns eus edhomm dhis a'n taklow yw kudhys.

²³Na vell gans materyow yw dres dha alloes, rag materow yw re veur rag konvedhes tus re beu diskwedhys dhis.

²⁴Rag aga breus skav re hembronkas meur a dus mes a'n fordh, ha tybyansow kamm re wrug dh'aga howsesyow slynkya.

²⁵Heb dewlagas, yth osta heb golow; heb godhvos nyns eus furneth.

²⁶Kolonn worth a vydh plagys y'n diwedh, ha piwpynag a gar peryll a verow dredho.

²⁷Kolonn worth a vydh beghys gans troblys, ha'n peghador a grug peghes war beghes.

²⁸Nyns eus yaghheans dhe alar an den goethus, rag bos plans a dhroktra gwreydhys ynno.

²⁹Brys an den poellek a breder a barabolenn, ha skovarn goslowyas yw hwans an den fur. Alusen rag an Voghosogyon

³⁰Dowr a dhifeudh tan ow flammya: hag alusen a wra prenedh rag peghes.

³¹Piwpynag a attal tornow da a breder a-dro dhe'n termyn a dheu, ha pan goedh, ev a gyv skoedhyans.