Read Kernewek Siragh 33 Bible Online

Siragh 33 - Kernewek bible

Siragh 33

¹Ny hwer drogedh vyth dhodho ev neb a berth own a'n Arloedh, mes yn peryll ev a'n delivr arta hag arta.

²Ny gas gour fur an lagha, mes an falswas a vydh avel skath yn tewedh.

³Den fur a fydh y'n lagha; ha ragdho an lagha a vydh mar drestys avel Urim.[37]

⁴Pareus an pyth dhe leverel, may fydhydh klewys; rester dha dhyskans, hag ena ro dha worthyp.

⁵Kolonn an foll yw haval dhe ros kert, ha'y brederow avel aghel ow rosella.

⁶Koweth neb a wra ges yw avel margh ow kryghias yn-dann pub huni yw esedhys warnodho. Eghennow Dihaval a Dus

⁷Prag yth yw unn jydh gwell es onan arall, pan yw golow pub dydh an vlydhen dhiworth an howl?

⁸Dre wodhvos an Arloedh i a veu dissernys, hag ev a ordenas an sesonyow dihaval ha'n goelyow.

⁹Re anedha ev a ughelhas ha'ga sanshe, ha re ev a wrug dydhyow kemmyn.

¹⁰Mab-den oll a dheuth a'n leur, hag Adam a veu gwrys a'n dor.

¹¹Yn leunder y skians an Arloedh a dhissernyas yntredha hag ordena aga fordhow divers.

¹²Re anedha ev a vennigas ha'ga ughelhe, re erell ev a sanshas ha'ga dri nes dhodho y honan; mes nebes ev a vollethis hag iselhe, ha'ga threylya yn-mes a'ga thylleryow.

¹³Avel pri yn leuv an priweythor, dhe vos molys dell bleg dhodho, yndellma yth yw tus yn leuv aga Kreador, dhe ri dhedha dell vynn ev.

¹⁴Da yw an gorthenep dhe dhrog, ha bewnans an gorthenep dhe vernans; yndellma an peghador yw an gorthenep dhe'n den duwek.

¹⁵Ytho mir orth oberow oll an Ughella; i a dheu yn koplow, an eyl gorthenep dh'y gila.

¹⁶My o an diwettha dhe woelya; avel den a guntell gesigow war-lergh kuntelloryon an gwinreun;

¹⁷dre vennath an Arloedh my a dheuth yn kynsa, hag avel kuntellor an gwinreun my a lenwis ow gwinwask.

¹⁸Ombrederewgh ma na lavuris ragov vy ow honan, mes rag peub usi ow hwilas dyskans.

¹⁹Klewewgh vy, hwi yw meur yn mysk an bobel, ha hwi hembrenkysi an kuntelles, goslowewgh! Bos Anserghek

²⁰Dhe vab po gwreg, dhe vroder po koweth, na ro galloes warnas dha honan, hedre vewi; ha na ro dha bythow dhe gen onan, rag own ty dhe dreylya dha vrys may fydh res dhis y wovynn arta.

²¹Hedre vi bew hag anall ynnos, na as nebonan dhe gemmeres dha le.

²²Rag gwell yw dha fleghes dhe wovynn ahanas ages ty dhe vires orth leuv dha fleghes.

²³Bydh an gwella yn pup-tra a wredh; na dhre namm war dha enor.

²⁴Pan worfennydh dydhyow dha vewnans, hag yn eneworres, lesrann dha eretons. Dyghtyans Gwesyon

²⁵Boes ha gwelenn ha beghyow rag asen; bara ha dyskybleth rag kethwas.

²⁶Gwra dhe'th kethwas gweytha ha ty a gyv powes; mes gas y dhiwleuv diek hag ev a hwila rydhses.

²⁷Yew ha kabester a gromm an konna, ha dhe'n drogservyas yma restell ha tormentys.

²⁸Gorr ev dhe weytha, ma na vo diek,

²⁹rag diekter a dhysk meur dhrog.

³⁰Dannvon ev dhe weytha, dell dhegoedh dhodho, ha mar nyns yw gostydh, gwra poes y gargharow. Na vydh re gales dhe dhen pynag ha na wra travyth heb ewnder.

³¹Mars eus dhis servyas, dyght ev kepar ha ty dha honan, rag ty dh'y brena gans goes. Mars eus dhis servyas, dyght ev avel broder, rag edhomm a' fydh anodho dell vydh edhomm dhis a'th vewnans. Mara'n tebeldhyght hag ev a wra dha asa ha poenya dhe-ves, py fordh a gemmerydh dh'y hwilas?