Read Kernewek Siragh 34 Bible Online

Siragh 34 - Kernewek bible

Siragh 34

¹Hunrosow a Doell Govenegow gour diboell yw euver ha fals, ha hunrosow a re eskelli dhe fellyon.

²Avel den a gach skeus ha holya an gwyns, yndella yw neb a wra vri a hunrosow.

³Nyns yw an pyth a welir yn hunrosow marnas skeusenn, hevelenep fas yn gweder-mires.

⁴A neppyth avlan pyth a yll bos glanhes? Hag a neppyth fals pyth a yll bos gwir?

⁵Dewinieth ha koelyow ha hunrosow yw euver, hag yma fantasis dhe'n golonn, dell eus dhe wreg yn gwelivesi.

⁶Marnas aga bos dannvenys yn vysytashyon an Ughella, na sett dha golonn warnedha.

⁷Rag hunrosow re doellas lies huni, ha'n re a worras aga fydhyans ynna re goedhas dhe-ves.

⁸Heb gowyow a'n par ma an lagha a vydh kollenwys, ha furneth yw kowlwrys yn ganow lel. Prevyans avel Dyskador

⁹Gour a dravalyas yn feur a woer lies tra, ha neb a'n jeves prevyans meur a woer an pyth a dhiskler.

¹⁰Den heb prevyans a woer boghes traow, mes ev neb re vyajyas a gyv skians meur.

¹¹Pan esen ow kwandra, my a welas lies tra, ha my a gonvedh moy es dell allav leverel.

¹²Yn fenowgh my re beu yn peryll a vernans, mes diank grasow dhe'n prevyansow ma. Own a'n Arloedh

¹³Spyrys an dus ownek a vew, rag yma aga govenek ynno ev neb a's selow.

¹⁴Ny vydh gohelus neb yw ownek a'n Arloedh, na ny berth dout, rag ev yw aga govenek.

¹⁵Gwynn y vys an enev yw ownek a'n Arloedh! War biw y kreg? Ha piw yw y skoedhyans?

¹⁶Yma dewlagas an Arloedh war an re a'n kar, skoes kevoethek ha skoedhyans krev, goskes a'n gwyns toemm ha skeus a'n howl y'n hanter-dydh, goelyador erbynn trebuchya ha gweres erbynn koedha.

¹⁷Ev a dhrehav an enev ha golowi an lagasow; ev a re yeghes, bewnans ha bennath. Offrynnow

¹⁸Sakrifis gwrys a neppyth degemmerys yn anewn yw nammys. Ankemmeradow yw rohow an re gammhynsek.

¹⁹Nyns yw an Ughella pes da gans offrynnow an re dhidhuw, na nyns yw diserrys gans meur a sakrifisow.

²⁰Avel den a ladh mab a-dherag y das yndella yw an den a offrynn sakrifis a bythow an voghosogyon.

²¹Bara edhommogyon yw bewnans boghosogyon; neb a'n kemmer a-dhiworta yw den a woes.

²²Kemmeres pygans kentrevek yw gul moldrans; Frowsya arvethesik a'y wober yw skoellya goes.

²³Unn den pan dhrehav ha'y gila a dhistru, pana les a vydh dhedha marnas lavur kales?

²⁴Unn den pan wormel ha'y gila a volleth, orth lev piw y woslow an Mester?

²⁵Unn den mar omwolgh wosa tochya korf marow, hag ena y dochya arta, pandr'yw an gwayn der y wolghi?

²⁶Ytho unn den mar kwra penys rag y beghosow, ha mos ha gul an keth taklow arta, piw a woslow orth y bysadow? Ha pandr'a waynyas der omuvelheans?