Read Kernewek Siragh 4 Bible Online

Siragh 4 - Kernewek bible

Siragh 4

¹Deverow Troha an Edhommogyon Ow flogh, na gemmer pygans an boghosek a-dhiworto, ha na wra dhe lagasow edhommek gortos.

²Na wra grev dhe enev nownek, ha na sorr gour yn y ahwer.

³Na geworr moy dhe droblow kolonn serrys, ha na dhelat dha ro dhe'n edhommek.

⁴Na dhenagh pysador yn ahwer, ha na dreyl dha fas dhiworth an boghosek.

⁵Na dreyl dha lagas dhiworth an den edhommek, ha na ro dhe dhenvyth skila rag dha vollethi;

⁶rag mar kwra ev dha mollethi yn hwerowder y enev, y Greador a glew y bysadow.

⁷Gwra dhiso bos kerys y'n kuntelles; ynklin dha benn dhe dhen meur.

⁸Treyl dha skovarn war-tu ha'n boghosek, ha gorthybi dhodho gansgeryow kres ha gans klorder.

⁹Deliver ev neb yw tebeldhyghtys dhiworth leuv an tebeldhyghtyer; ha na vydh gwann dha spyrys ha ty ow ri breus.

¹⁰Bydh avel tas dhe omdhivasow, hag yn le gour dh'aga mamm; ena ty a vydh kepar ha mab a'n Ughella, hag ev a'th kar moy es dell wra dha vamm. Gobrow Furneth

¹¹Furneth a ughelha hy mebyon, ha ri gweres dhe'n re a's hwila.

¹²Piwpynag a's kar, ev a gar bewnans, ha seul a's hwila myttin a-varr a vydh lenwys a joy.

¹³Piwpynag a's syns fast a erit glori, ha'n Arloedh a vennik an tyller mayth enter hi ynno.

¹⁴Seul a's serv, a venyster dhe'n Sans; an Arloedh a gar an re a wra hy hara.

¹⁵Neb yw gostydh dhedhi a vreus an kenedhlow, ha neb a wra vri anedhi a drig yn sawder.

¹⁶Mara'n jeves fydhyans ynni, ev a's erit; ha'y henedh a vydh orth hy fewa.

¹⁷Y'n dalleth hi a gerdh ganso war fordhow gwius, hi a dhre own ha kilgieth warnodho, ha hi a'n torment dre hy dyskybleth bys pan allo hi trestya y enev, ha hi a'n prev dre hy ordenansow.

¹⁸Ena, hi a dheu poran dhodho arta ha'y lowenhe, ha diskwedhes hy hevrinyow dhodho.

¹⁹Mars a ev yn sowdhan, hi a'n forsak, ha'y dhaskorr dh'y derroes.

²⁰Hwither an prys ewn, ha bydh war a dhrog; ha na dhro bismer warnas dha honan.

²¹Rag yma bismer a dhre peghes, hag yma bismer yw glori ha gras.

²²Na dhiskwa ragvreus dhe'th pystik dha honan, na revrons, dhe'th terroes.

²³Na omwith dhiworth kewsel pan vydh edhomm, ha na gudh dha furneth.

²⁴Rag furneth yw aswonnys dre lavar, ha dyskans dre eryow an taves.

²⁵Nevra na gows erbynn an gwir, mes gwra vri a'th diskians.

²⁶Na vydh methek a avowa dha beghosow, ha na hwila striv erbynn fros avon.

²⁷Na vydh sojet dhe foll, na diskwedhes ragvreus a-barth rewler.

²⁸Striv bys yn ankow rag an gwiryonedh, ha'n Arloedh Duw a omladh ragos.

²⁹Na vydh dibreder y'th lavar, na syger na logh y'th wriansow.

³⁰Na vydh kepar ha lew yn dha ji, na lordya war dha wesyon.

³¹Na vedhes dha leuv ystynnys dhe gemmeres, mes kildennys orth attyli.