Read Kernewek Siragh 41 Bible Online

Siragh 41 - Kernewek bible

Siragh 41

¹Marwoleth A vernans, ass yw hwerow an kov ahanas dhe dhen yw attes yn mysk y bythow, dhe wour yw rydh a dhistennansow, ha siwen yn pup-tra, ha hwath bewek lowr dhe lowenhe yn y voes!

²A vernans, ass yw teg dha varn dhe dhen yw edhommek ha'y nerth ow fyllel, skwithhes gans henys ha prederus a-dro dhe bup-tra; neb yw gorth, ha re gollas perthyans oll!

³Na own breus mernans ragos; porth kov a'n re res eth a-ragos ha'n re a dheu a-wosa.

⁴Hemm yw breus an Arloedh rag oll kig; prag y neghydh ytho bodh an Ughella? Deg blydhen, po kans, po mil, ny vydh govynnys travyth yn ifarn a-dro dhe hirder bewnans. Tenkys an Re Dhidhuw

⁵Fleghes beghadoryon yw fleghes kasadow, ha trigys esons yn trigvaow an re dhidhuw.

⁶Eretons fleghes beghadoryon a verow, ha war aga agh y fydh meth ow pesya.

⁷Fleghes a vlam tas didhuw rag i dhe wodhevel meth a'y wovis.

⁸Go-hwi, hwi wer dhidhuw, re eskasas lagha Duw Ughella!

⁹Pan owgh hwi dineythys, dineythys owgh dhe volleth; ha pan verwowgh, molleth yw agas rann.

¹⁰Pypynag a dheu a'n dor a dhehwel dhe'n dor; yndella yth a an re dhidhuw a-dhiworth molleth dhe dhistruyans.

¹¹Tus a gyn rag mernans an korf mes drokhanow peghadoryon a vydh dileys.

¹²Gwra vri a'th hanow, drefenn henna dhe besya war dha lergh hirra ages milyow a dresoryow meur a owr.

¹³Dydhyow bewnans da yw niverys, mes hanow da a dhur bys vykken.

¹⁴Ow fleghes, bedhewgh lel dh'agas dyskans ha bedhewgh attes; furneth kudhys ha tresor anwelys — pana les eus ynna aga dew? Traow Methus

¹⁵Gwell yw an den a gudh y follneth ages an den a gudh y furneth.

¹⁶Rakhenna gwrewgh vri a'm lavarow; rag nyns yw da omglewes methus yn pub treveth, na nyns yw pup-tra kommendys gans peub.

¹⁷Bedhewgh methek a bub anvaseth reydhel a-rag tas po mamm; hag a wowegneth a-rag pennsevik po rewler;

¹⁸a alweyth a-rag barner po justis; hag a dorrva an lagha, a-rag an kuntelles ha'n bobel; 19 a dreuspass a-rag kespar po koweth;

¹⁹hag a ladrynsi y'n tyller mayth esos trigys. 20 Bydh methek a derri ambos, hag a boesa war dha dhewelin yn prys-boes; 21 a dheskernuster ow tegemmeres po ow ri,

²⁰hag a skonya aswonn tus a'th salus; 22 a vires orth benyn yw hora,

²¹hag a nagha galow neskar; 23 a gemmeres dhe-ves rann po ro nebonan, hag a lagatta orth gwreg ken gour;

²²a vellya gans y servyades, po mos ogas dh'y gweli; 25 a eryow divlas, a-rag kowetha — ha na vydh arvedhus wosa gul ro.

²³Bydh methek a dhasleverel an pyth a glewydh, hag a dhiskevra kevrinyow. 27 Ena ty a dhiskwa gwir veth, ha kavoes favour gans pubonan.