Read Kernewek Siragh 44 Bible Online

Siragh 44 - Kernewek bible

Siragh 44

¹Enor dh'agan Hendasow Gormelyn lemmyn gwer a vri, agan tasow yn aga henedhow.

²An Arloedh a gevrennas dhedha golewder meur, y veuredh a'n dalleth.

³Yth esa re a rewlyas yn aga ruvanethow, gwer aswonnys drefenn aga galloes; ow ri kusul der aga gonvedhes; ow kewsel yn profoesansow;

⁴hembrenkysi an bobel der aga husulyow ha der aga honvedhes a hengovyow an bobel; ow leverel geryow fur a dhyskans.

⁵Re a hwilas melodiow, po displetya gwersow yn skrif;

⁶gwer rych ha galloesek, trigys yn kres yn aga threvow —

⁷oll an re ma a veu enorys yn aga henedhow, hag a veu bost aga dydhyow.

⁸Yma re anedha a asas hanow war aga lergh, may fo derivys aga gormel.

⁹Hag yma re erell ma nag eus kov anedha; i eth dhe goll par dell na viens bew; i re dheuth ha bos par dell na viens genys, ha keffrys aga fleghes war aga lergh.

¹⁰Mes an re ma o gwer dregeredhus, ha ny veu ankevys aga gweythresow gwiryon;

¹¹aga hanow da re dremenas dh'aga has, ha'ga eretons dh'aga diyskynnysi.[53]

¹²Aga has a sev a-ji dhe'n kevambosow; aga fleghes i ynwedh, a-barth dhedha.

¹³Aga has a dhur bys vykken, ha ny vydh dileys aga golewder.

¹⁴Aga horfow yw ynkleudhys yn kres, mes aga hanow a vew henedh wosa henedh.

¹⁵Poblow a dheriv aga furneth, ha'n kuntelles a dheklar aga gormel. Enok

¹⁶Enok a blesyas an Arloedh hag a veu kemmerys yn-bann, patron a edrega dhe bub henedh. Noy

¹⁷Noy a veu kevys dhe vos perfydh ha gwiryon; yn termyn sorr ev a veu kemmerys yn keschanj; ytho remenant a veu gesys war an bys pan dheuth an liv.

¹⁸Kevambosow bythkwethek a veu gwrys ganso ma na vo pub kig nevra dileys gans liv. Abraham

¹⁹Abraham o tas meur a lies kenedhel, ha ny veu kevys par dhodho yn glori.

²⁰Ev a withas lagha an Ughella ha dos yn kevambos ganso; ev a selyas an kevambos yn y gig, ha pan veu prevys ev a veu kevys lel.

²¹Ytho an Arloedh a fastyas dhodho gans ti an kenedhlow dhe vos bennigys der y has; hag ev dh'aga lieshe avel doust an nor, hag ughelhe y has avel an ster, ha ri dhedha eretons a vor dhe vor a'n avon dhe bennow an nor. Ysak ha Yakob

²²Ev a'n fastyas dhe Ysak ynwedh a-barth y das Abraham. Bennath tus oll ha'n kevambos

²³ev a wrug dhe bowes war benn Yakob; ev a'n aswonnis gans y vennathow, ha ri dhodho y eretons; ev a erviras y rannow, ha'ga lesranna yn mysk an dewdhek loeth.