Read Kernewek Siragh 49 Bible Online

Siragh 49 - Kernewek bible

Siragh 49

¹Yosia Hanow Yosia yw avel ynkys kemmyskys pareusys gans sleyghneth an feryl; Y govadh yw maga hweg avel an mel dhe bub ganow, hag avel menestrouthi orth gwledh a win.

²Ev a veu gidys yn ewn yn dasfurvyans an bobel, ha dilea kasadewder dilagha.

³Ev a gevarwoedhas y golonn troha'n Arloedh; yn termyn dilagha ev a fastyas gordhyans Duw.

⁴Marnas Davydh ha Hezekia ha Yosia, i oll a wrug treuspassow bras, rag i dhe forsakya lagha an Ughella; myghternedh Yuda a dheuth dhe'n diwedh.

⁵Ytho ev a ros aga nerth dhe re erell, ha'ga golewder dhe genedhel estren,

⁶a worras tan yn sita dhewisys an sentri, ha gul dh'y stretow bos ynyal, dell dhargansa Yeremia.

⁷Rag i re'n tebeldhyghtsa, neb re bia sanshes avel profoes hwath yn torr y vamm, dhe dhiwreydhya, dhe dhiswul ha dhe dhistrui, keffrys ha dhe dhrehevel ha dhe blansa. Profoesi ha Tus Erell

⁸Y feu Ezekiel neb a welas an welesigeth a wolewder, a dhiskwedhas Duw dhodho a-ugh charett an cherubim.

⁹Rag Duw a venegas ynwedh Job[58] a withas fast dhe fordhow ewnhynseth

¹⁰Re dhannvonno eskern an Dewdhek Profoes bewnans nowydh a'n tyller may mons ynkleudhys, rag i a gonfortyas pobel Yakob ha'ga delivra gans govenek sur.

¹¹Fatell wren ni meurhe Zerubbabel? Ev o avel bysow-sel war an leuv dhyghow,

¹²hag yndellma o Yeshua mab Yosedek; yn aga dydhyow i a dhrehevis an chi ha byldya tempel sans dhe'n Arloedh, destnys rag golewder bythkwethek.

¹³Kov Nehemia ynwedh a bes; ev a dhrehevis agan fosow koedhys, ha settya porthow ha barrow, ha dastrehevel agan chiow diswrys. Gwel War dhe Lergh

¹⁴Boghes re beu kreatys war an nor avel Enok, rag ev a veu kemmerys yn-bann a'n nor.

¹⁵Ha ny veu genys gour vyth avel Yosep; ha'y eskern a veu gwithys saw.

¹⁶Shem ha Seth a veu enorys yn mysk tus, mes a-ugh pup-tra vew a greashyon a veu Adam.