Read Kernewek Siragh 5 Bible Online

Siragh 5 - Kernewek bible

Siragh 5

¹Gwarnyans a-dro dhe Bedhekter Na ro dha vrys war dha rychys, na leverel, ‘Yma lowr dhymm.’

²Na hol dha vodh na dha nerth, ow kerdhes herwydh hwansow dha golonn.

³Na lever, ‘Piw a'n jevydh galloes dresov?’ rag yn sur an Arloedh a'th kessydh.

⁴Na lever, ‘My a beghas, ha pandr'a hwarva dhymm?’ rag an Arloedh yw lent dhe serri.

⁵Na vydh mar sur a brenedh may keworrydh peghes dhe beghes.

⁶Na lever, ‘Meur yw y versi, ev a av dhymm ow feghosow pals’, rag yma mersi ha sorr ganso, ha'y sorr a boes war beghadoryon.

⁷Na dhelat treylya dhe'n Arloedh, na hokya a dhydh dhe dhydh; rag a-dhesempis sorr an Arloedh a yn-mes, hag y'n termyn a gessydhyans yth edh dhe goll.

⁸Na greg war rychys kevys gans droktra, rag ny wra ev dha weres yn jydh an terroes.

⁹Na wynsell gans pub gwyns, ha na hol pub fordh: yndella y hwra an peghador dewblek y daves.

¹⁰Bydh fyrv y'th konvedhes, ha gas dhe'th lavar bos kesson.

¹¹Bydh snell dhe glewes, ha bydh avisys kyns gorthybi.

¹²Mars eus konvedhes dhis, gorthyp dhe'th kentrevek; mes mar nyns eus, gorr dha leuv war dha anow.

¹³Glori ha disenor a dheu dre gewsel, ha taves den a wra dhodho koedha.

¹⁴Na vydh gelwys sklandrer, ha na gontrewayt gans dha daves, rag bismer a dheu dhe'n lader, ha dampnyans sevur dhe'n re dewblek aga thaves.

¹⁵Yn materow meur ha byghan, na bydh heb godhvos.