Read Kernewek Siragh 8 Bible Online

Siragh 8 - Kernewek bible

Siragh 8

¹Doethter ha Skians Da Na dhebat yn lymm gans den galloesek, ma na goetthi yn y dhiwla.

²Na omdhal gans den rych, rag own bos y bythow moy ages dha bythow jy; rag owr re dhistruis meur a dus, ha kammdreylya kolonnow myghternedh.

³Na dhadhel gans den tavosek, na bernya keunys war y dan.

⁴Na wra ges a dhen drog y vegyans, ma na vo despitys dha hendasow.

⁵Na geredh den neb eus ow treylya dhe-ves dhiworth peghes; porth kov ni oll dhe vos kablus.[6]

⁶Na dhispres den pan yw koth, rag yma re ahanan ynwedh ow tos ha bos koth.

⁷Na lowenha yn mernans den; porth kov, res yw dhyn ni oll tremena.

⁸Na skon kows tus fur, mes omro dh'aga henlavarow; rag dhiworta ty a wayn dyskans ha dyski fatell servir brasyon.

⁹Na fyll dhe attendya kows an henavogyon, rag i a dhyskas dhiworth aga thasow, ha dhiworta ty a wayn konvedhes ha dyski fatell worthybir pan vo res.

¹⁰Na worr tan yn regydh peghador, ma na vo leskys yn flammow aga than.

¹¹Na sev ha mos dhe-ves dhiworth polat tont, ma na wrowettho yn kontrewaytyans erbynn dha eryow.

¹²Na prest dhe dhen yw kreffa agesos; mes mar kwredh presta neppyth, bydh avel onan neb re'n kollas.

¹³Na re goestel dres dha bygans, mes mar redh goestel, bydh parys dhe vos an taler.

¹⁴Na dhalleth ken erbynn breusyas, rag yn revrons dh'y savla i a re an vreus.

¹⁵Na draval yn hyns gans polat diswar, ma na vo ev beghus dhis; rag ev a wra herwydh y vodh, ha der y follneth ty a dhe goll ganso.

¹⁶Na striv gans den tesek ha na dremen der an gwylvos ganso; rag nyns yw goes travyth yn y wolok, hag yn le ma nag eus gweres yn ogas, ev a'th wysk dhe'n dor.

¹⁷Na omgusul gans foll, rag ny yll ev gwitha kevrin.

¹⁸A-rag estren na wra travyth a dal bos gwithys privedh, rag ny wodhes pandr'a wra ev disklosya.

¹⁹Na dhiskudh dha golonn dhe bub den oll, ma na dewlli dha fortun teg dhe-ves.[7]