Read Kernewek Yeremia 45 Bible Online

Yeremia 45 - Kernewek bible

Yeremia 45

¹An ger a gewsis Yeremia an profoes dhe Baruk mab Neria, pan skrifas an geryow ma yn rol-skrifa a-dhiworth ganow Yeremia, y'n peswora blydhen a Yehoyakim mab Yosia myghtern Yuda:

²Yndellma y lever an ARLOEDH, Duw Ysrael, orthis A Baruk:

³Ty a leveris, ‘Go-vy! An ARLOEDH re geworras ahwer dhe'm dolor; difygys ov gans ow hanasa, ha ny gavav powes.’

⁴Yndellma y leverydh dhodho, ‘Yndellma y lever an ARLOEDH: Otta, my a dhistru an pyth a dhrehevis, ha diwreydhya an pyth a blensis — henn yw, an tir oll.

⁵Ha ty, a hwilydh traow meur dhe'th honan? Na's hwila; rag my a dhre anfeusi war oll kneus, yn-medh an ARLOEDH; mes my a re dhis dha vewnans avel preydh yn pub tyller mayth ylli.’