Read Kernewek Yeremia 47 Bible Online

Yeremia 47 - Kernewek bible

Yeremia 47

¹Ger an ARLOEDH a dheuth dhe Yeremia an profoes a-dro dhe'n Filistysi, kyns Faro dhe weksel Gaza:

²Yndellma y lever an ARLOEDH: Otta, dowrow a dardh a'n gogledh hag a vydh keynres fennys; i a fenn an tir ha pup-tra eus ynno, an sita ha'n re trigys ynni. Pobel a skrij, hag oll annedhysi oll an tir a gyn.

³Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

⁴Rag an jydh re dheuth dhe dhistrui oll an Filistysi, dhe dreghi a-dhiworth Tyr ha Sidon pub gwereser yw gesys. Rag an ARLOEDH a dhistru an Filistysi, remenant arvordir Kaftor.

⁵Moelder re dheuth war Gaza, avlavar yw Ashkelon. A remenant an Anakim, pes termyn yth omhakkydh?

⁶A, kledha an ARLOEDH, pes termyn y fydh bys pan vi kosel? Dehwel y'th woen, powes ha bydh kosel.

⁷Fatell yll bos kosel pan ros an ARLOEDH gorhemmynn? Erbynn Ashkelon hag erbynn an morrep — ena ev re'n erviras.