Read Kernewek Baruk 4 Bible Online

Baruk 4 - Kernewek bible

Baruk 4

¹Hi yw lyver ordenansow Duw, ha'n lagha hag a dhur bys vykken. Oll myns a's syns fast a vew, ha'n re a's gas a verow.

²Treyl a Yakob, ha syns dalghenn ynni; kerdh troha splannder hy golow.

³Na ro dha enor dhe dhen arall, na'n taklow yw dhe'th les dhe genedhel alyon.

⁴A Ysrael, gwynn agan bys, rag ni a woer an pyth yw plegadow dhe Dhuw.

⁵Gwellhewgh agas cher, ow fobel, a govadh Ysrael!

⁶Nyns o rag agas diswrians y fewgh gwerthys dhe'n kenedhlow, mes hwi a veu delivrys dhe'th eskerens rag hwi dhe serri Duw.

⁷Rag hwi a'n sorras ev neb a'gas gwrug, owth offrynna dhe dhywolow a-der dhe Dhuw.

⁸Hwi a ankovas an Duw bythkwethek, neb a'gas drehevis, ha hwi re dhuwenas Yerusalem, neb a'gas magas.

⁹Rag pan welas hi an sorr a dheuth warnowgh a-dhiworth Duw, hi a leveris: Goslowewgh, hwi gentrevogyon Sion, Duw re dhros tristyns meur warnav;

¹⁰rag my re welas divroedh ow mebyon ha myrghes, a wrug an Duw a dhur bys vykken dri warnedha.

¹¹Gans lowena my a's maga, mes my a's dannvonas dhe-ves gans oelva ha tristyns.

¹²Na wres denvyth lowenhe warnav, gwedhwes ha forsakys gans lies; gesys dyegrys en vy drefenn peghosow ow fleghes, drefenn i dhe dreylya dhe-ves a-dhiworth lagha Duw.

¹³Ny aswonnsons y ordenansow, na kerdhes yn fordhow y worhemmynnow, na trettya yn hynsyow a dhyskybleth yn y ewnder.

¹⁴Des kentrevogyon Sion; perthewgh kov a gethneth ow mebyon ha myrghes, a dhros an Bythkwethek warnedha.

¹⁵Rag ev re dhros er aga fynn kenedhel a-bell, kenedhel diveth, a yeth astranj, neb na'n jeva revrons rag kothwas, na truedh rag flogh.

¹⁶I re dhug dhe-ves mebyon veurgerys an wedhwes, hag gasa an venyn dhigoweth heb myrghes.

¹⁷Mes my, fatell allav agas gweres?

¹⁸Rag ev neb a dhros an terroesow ma warnowgh a wra agas delivra a-dhiworth dorn agas eskerens.

¹⁹Kewgh ow fleghes, kewgh; rag my re beu gesys ynyal.

²⁰My re dhiwiskas an dillas a gres ha gwiska yskar ow fysadow; my a arm dhe'n Bythkwethek oll ow dydhyow.

²¹Gwellhewgh agas cher, ow fleghes, germewgh dhe Dhuw, hag ev a wra agas delivra a-dhiworth galloes ha dorn agas eskerens.

²²Rag my re worras ow govenek y'n Bythkwethek dh'agas sawya, ha lowena a dheuva dhymm drefenn an tregeredh a dheu dhywgh skon a-dhiworth agas Selwador bythkwethek.

²³Rag my a'gas dannvonas yn-mes gans tristyns hag oelva, mes Duw a'gas daskorr dhymm gans joy ha lowena bys vykken.

²⁴Rag lemmyn dell re welas kentrevogyon Sion agas kethneth, ytho, skon i a wel agas selwyans dhiworth Duw, an pyth a dheu dhywgh gans glori meur ha gans splannder a'n Bythkwethek.

²⁵Ow fleghes, godhevewgh gans perthyans an sorr a dheuva warnowgh a-dhiworth Duw. Dha eskar re'th helghyas, mes skon ty a wel y dhistruyans ha trettya war aga honna.

²⁶Ow fleghes vedhel re vyajyas fordhow garow; i a veu kemmerys dhe-ves kepar ha flokk degys dhe-ves gans eskerens.

²⁷Gwellhewgh agas cher, ow fleghes, ha germewgh dhe Dhuw, rag hwi a vydh kovhes ganso ev neb a dhros an taklow ma warnowgh.

²⁸Rag kepar dell veu yn agas brys mos yn sowdhan dhiworth Duw, dehwelewgh gans diwysykter degplek dh'y hwilas.

²⁹Rag ev neb a dhros an terroesow ma warnowgh a dhre dhywgh lowena heb diwedh gans agas selwyans.

³⁰Gwellha dha jer, a Yerusalem, rag ev neb a'th henwis a'th konfort.

³¹Go-i neb a'th plagyas ha lowenhe orth dha goedh.

³²Go-i an sitys may servya dha fleghes avel kethyon; go-hi an sita a dhegemmeras dha vebyon.

³³Rag kepar dell lowenhas orth dha goedh, hag o lowen a'th tistruyans, yndella y fydh hi duwenys orth hy ynyalder hy honan.

³⁴Rag my a gemmer dhe-ves hy heudhder yn hy foblans meur, ha'y thonteth a vydh treylys dhe dhuwon.

³⁵Rag tan a dheu warnedhi a-dhiworth an Bythkwethek rag lies dydh, ha rag termyn hir, hi a vydh annedhys gans dywolow.

³⁶A Yerusalem, mir troha'n est, ha gwel an lowender usi ow tos dhis a-dhiworth Duw.

³⁷Otta, yma dha vebyon ow tos, neb a dhannvensys dhe-ves; ymons ow tos, kuntellys a-dhiworth howldrevel ha howlsedhes, orth ger an Sans, ow lowenhe yn glori Duw.