Read Kernewek Baruk 5 Bible Online

Baruk 5 - Kernewek bible

Baruk 5

¹Diwisk dillas dha dristyns hag anken, a Yerusalem, ha gwisk bys vykken tekter an glori a-dhiworth Duw.

²Gwisk mantell an ewnder a-dhiworth Duw; gorr war dha benn kurun glori an Bythkwethek.

³Rag Duw a dhiskwa dha splannder dhe bub bro yn-dann nev.

⁴Rag ty a vydh henwys bys vykken gans Duw ‘Kres ewnder, ha glori gordhyans Duw.’

⁵Omdhrehav a Yerusalem, ha sav y'n ughelder; mir troha'n est, ha gwel dha fleghes kuntellys a-dhiworth howlsedhes ha howldrevel, orth ger an Sans, ow lowenhe, Duw dhe berthi kov anedha.

⁶Rag i eth yn-mes ahanas war droes, hembrenkys dhe-ves gans eskerens; mes Duw a's dre dhis, degys yn glori, kepar ha war dron ryel.

⁷Rag Duw re erghis, pub menydh ughel, ha'n breow a dhur bys vykken dhe vos gwrys isel, ha'n nansow lenwys yn-bann, dhe wul dor leven, may kertho Ysrael heb danjer yn glori Duw.

⁸An koesow ha pub gwydhenn hweg hy blas re woskeusis Ysrael orth arghadow Duw.

⁹Rag Duw a hembronk Ysrael gans lowena, yn golow y glori, gans an mersi hag ewnder a dheu a-dhiworto.[2]