Read Kernewek Hosea 3 Bible Online

Hosea 3 - Kernewek bible

Hosea 3

¹Ena an ARLOEDH a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an ARLOEDH orth mebyon Ysrael, kyn treylyons dhe dhuwow erell, ha kara tesennow-grappys.’

²Ytho my a's prenas ragov a bymthek bath arghans, hag onan ha hanter musur a heydh.

³Ena my a leveris dhedhi, ‘Meur a dhydhyow ty a wra triga genev; ny vydhydh hora, na bos gans gour, hag ynwedh my yw dhis.’

⁴Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim. [10]

⁵A-wosa, mebyon Ysrael a wra dehweles ha hwilas an ARLOEDH aga Duw, ha Davydh aga myghtern. I a dheu gans own dhe'n ARLOEDH ha dh'y dhader y'n dydhyow diwettha.