Read Kernewek Niverow 16 Bible Online

Niverow 16 - Kernewek bible

Niverow 16

¹Lemmyn Koragh mab Yshar, mab Kohath, mab Levi, ha Dathan ha Abiram mebyon Eliab, hag On mab Peleth, mebyon Rewben, a gemmeras gwer;

²hag i a sevis a-rag Moyses gans niver a vebyon Ysrael, dew kans ha hanter-kans hembrenkyas a'n gemmynieth, dewisys a'n kuntelles, gerys-da;

³hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an ARLOEDH yn aga mysk; ytho prag yth omughelhowgh a-ugh kemmynieth an ARLOEDH?’

⁴Pan y'n klewas Moyses, ev a goedhas war y fas;

⁵hag ev a leveris dhe Koragh ha'y gowetha oll, ‘Y'n myttin an ARLOEDH a wra diskwedhes piw yw dhodho, ha piw yw sans, hag a wra dhodho dos nes dhodho; ev neb a dhewis ev a'n gwra dhe dhos nes dhodho.

⁶Gwrewgh hemma; kemmerewgh an ynkyslestri, Koragh ha'y gowetha oll;

⁷gorrewgh tan ynna ha gorra ynkys ynna a-rag an ARLOEDH a-vorow, ha'n gour dewisys gans an ARLOEDH a vydh sans. Hwi res eth re bell, hwi vebyon Levi!’

⁸Ha Moyses a leveris dhe Koragh, ‘Klewewgh lemmyn, hwi vebyon Levi:

⁹Yw hi tra re vyghan ragowgh, Duw Ysrael dh'agas diberth dhiworth kuntelles Ysrael, dh'agas dri ogas dhodho y honan, dhe wul servis yn tabernakel an ARLOEDH, ha dhe sevel a-rag an kuntelles dhe venystra dhedha?

¹⁰Ev a'th tros ogas dhodho hag oll dha vreder, mebyon Levi, genes. A hwilowgh an oferyaseth ynwedh?

¹¹Ytho yth yw erbynn an ARLOEDH ty ha'th kowetha oll dhe omguntell war-barth; pyth yw Aron may krodhvolydh warnodho?’

¹²Ha Moyses a dhannvonas dhe elwel Dathan hag Abiram mebyon Eliab; hag i a leveris, ‘Ny vynnyn dos yn-bann.

¹³Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

¹⁴Moy es henna ny wrussys agan dri yn tir a dhinwa leth ha mel, na ri dhyn eretons a barkow na gwinlannow. A vynnydh genna yn-mes lagasow an wer ma? Ny vynnyn dos yn-bann.’

¹⁵Ha Moyses o pur serrys, ha leverel dhe'n ARLOEDH, ‘Na wra vri a'ga offrynn. Ny gemmeris nag unn asen a-dhiworta, na ny bystigis nagonan anedha.’

¹⁶Ha Moyses a leveris dhe Koragh, ‘Ty ha'th kowetha oll, bedhewgh omma a-rag an ARLOEDH: ty, hag i, hag Aron, a-vorow;

¹⁷ha kemmeres peub ahanowgh y ynkyslester ha gorra ynkys warnodho, ha peub ahanowgh drewgh a-rag an ARLOEDH y ynkyslester, dew kans ynkyslester ha hanter-kans, hag Aron, peub y ynkyslester.’

¹⁸Ytho peub a gemmeras y ynkyslester ha gorra tan ynna ha gorra ynkys warnedha, hag i a sevis orth daras tylda an kuntelles gans Moyses hag Aron.

¹⁹Ena Koragh a guntellas oll an kuntelles er aga fynn dhe dharas tylda an kuntelles. Ha golewder an ARLOEDH a omdhiskwedhas dhe'n kuntelles oll.

²⁰Ha'n ARLOEDH a leveris dhe Moyses hag Aron:

²¹Diberthewgh dhiworth an kuntelles ma, ma'n kowlloskav yn unn lamm.

²²Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

²³Ha'n ARLOEDH a leveris dhe Moyses:

²⁴Lavar dhe'n kuntelles, Kewgh dhe-ves dhiworth kyrghynn annedh Koragh, Dathan hag Abiram.

²⁵Ena Moyses a sevis ha mos dhe Dathan hag Abiram; ha henavogyon Ysrael a'n holyas.

²⁶Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

²⁷Ytho i a dhibarthas a gyrghynn annedh Koragh, Dathan hag Abiram, a bub tenewen; ha Dathan hag Abiram a dheuth yn-mes ha sevel orth daras aga thyldow, war-barth gans aga gwragedh, aga mebyon, ha'ga re vyghan.

²⁸Ha Moyses a leveris, ‘Gans hemma hwi a wra godhvos an ARLOEDH dhe'm dannvon dhe wul oll an oberow ma, ha nyns o a'm govis vy.

²⁹Mar merow an re ma mernans kemmyn pub den, po mar pydhons vysytys gans an denkys a bub den, ena ny'm dannvonas an ARLOEDH.

³⁰Mes mar kwra an ARLOEDH neppyth nowydh, ha'n dor a iger y anow, ha'ga howllenki, gans peub a bewons, hag i a dhiyskynn yn few dhe ifarn; ena hwi a wodhvydh an wer ma dhe dhispresya an ARLOEDH.’

³¹Ha kettell worfennas kewsel oll an geryow ma, an dor yn-danna a veu folsys a-les;

³²ha'n dor a igoras y anow ha'ga howllenki, gans oll aga thiogethyow hag oll an wer a bewa Koragh ha'ga gwara oll.

³³Ytho i, hag oll a bewens, a dhiyskynnas yn few dhe ifarn; ha'n dor a dhegeas a-ughta, hag i a eth mes a wel a-dhiworth kres an gemmynieth.

³⁴Hag Ysrael oll hag esa a-dro a fias orth aga kri; rag i a leveris, ‘Ma na'gan kowllonko an dor!’

³⁵Ha tan a dheuth yn-mes dhiworth an ARLOEDH, hag a gowlloskas an dhew kans ha hanter kans gour ow profya an ynkys.

³⁶Ena an ARLOEDH a leveris dhe Moyses:[7]

³⁷Lavar dhe Eleazar mab Aron an oferyas dhe gemmeres an ynkyslestri yn-bann yn-mes a'n tanses; ena skoell an tan yn-hons; rag sans yns,

³⁸Ynkyslestri an re ma, neb a beghas orth kost aga bewnans, bedhens gwrys yn platyow mortholys avel gorheras an alter, rag i a's offrynnas a-rag an ARLOEDH; rakhenna sans yns. Yndellma y fydhons arwoedh dhe vebyon Ysrael.

³⁹Ytho Eleazar an oferyas a gemmeras an ynkyslestri a vrons, re offrynnsa an re a veu leskys; ha mortholys vons avel gorheras dhe'n alter,

⁴⁰dhe vos kovheans dhe vebyon Ysrael, ma na wrello gour estren, ha nag yw a dhiyskynnysi Aron, dos nes dhe leski ynkys a-rag an ARLOEDH, ma na dheffo ha bos avel Koragh hag avel y gowethas — dell leveris an ARLOEDH dhe Eleazar dre leuv Moyses.

⁴¹Mes dhe'n vorow oll an kuntelles a vebyon Ysrael a grodhvolas war Moyses ha war Aron, ow leverel, ‘Hwi re ladhas pobel an ARLOEDH.’

⁴²Ha pan veu kuntellys an kuntelles erbynn Moyses hag erbynn Aron, i a dreylyas war-tu ha tylda an kuntelles; hag otta, an gommolenn a'n kudhas, ha golewder an ARLOEDH a omdhiskwedhas.

⁴³Ha Moyses hag Aron a dheuth dhe'n tu a-rag a dylda an kuntelles,

⁴⁴ha'n ARLOEDH a leveris dhe Moyses,

⁴⁵‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

⁴⁶Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an ARLOEDH; an pla re dhallathas.’

⁴⁷Ytho Aron a'n kemmeras dell leveris Moyses, ha poenya yn mysk an kuntellyans; hag otta, an pla re dhallathsa seulabrys yn mysk an bobel; hag ev a worras an ynkys, ha gul prenedh rag an bobel.

⁴⁸Hag ev a sevis ynter an re varow ha'n re vew; ha'n pla a veu lettys.

⁴⁹Lemmyn an re a verwis der an pla o peswardhek mil ha seyth kans, dres niver an re a verwis yn negys Koragh.

⁵⁰Hag Aron a dhehwelis dhe Moyses dhe dharas tylda an kuntelles pan veu lettys an pla.