Read Kernewek Niverow 33 Bible Online

Niverow 33 - Kernewek bible

Niverow 33

¹An re ma yw kerdhow mebyon Ysrael, pan ethons yn-mes a bow Ejyp herwydh aga luyow yn-dann leuv Moyses hag Aron.

²Moyses a skrifas oll aga diberthvaow dre worhemmynn an ARLOEDH; ha'n re ma yw aga herdhow war-lergh aga diberthvaow.

³I eth yn-kerdh a-dhiworth Rameses y'n kynsa mis, y'n pymthegves dydh a'n kynsa mis; y'n jydh wosa an pask mebyon Ysrael eth yn-mes gans leuv ughel yn golok an Ejyptianys oll,

⁴ha'n Ejyptianys owth ynkleudhyas pub kynsa-genys, re bia gweskys yn aga mysk gans an ARLOEDH; war aga duwow ynwedh an ARLOEDH a wrug breusow.

⁵Ytho mebyon Ysrael eth yn-kerdh a-dhiworth Rameses, ha kampya yn Sukkoth.

⁶Hag i eth yn-kerdh a-dhiworth Sukkoth, ha kampya yn Etham, usi war amal an gwylvos.

⁷Hag i eth yn-kerdh a-dhiworth Etham ha treylya war-dhelergh dhe Pihahiroth, usi a'n howldrevel dhe Baal-sefon; hag i a gampyas a-rag Migdol.

⁸Hag i eth yn-kerdh a-dhiworth Hahiroth, ha tremena dres mysk an mor bys y'n gwylvos, hag i eth yn hyns a dri dydh yn gwylvos Etham, ha kampya yn Mara.

⁹Hag i eth yn-kerdh a-dhiworth Mara, ha dos dhe Elim; dhe Elim yth esa dewdhek fenten dhowr ha deg palmwydhenn ha tri-ugens, hag i a gampyas ena.

¹⁰Hag i eth yn-kerdh a-dhiworth Elim ha kampya ryb an Mor Rudh.

¹¹Hag i eth yn-kerdh a-dhiworth an Mor Rudh, ha kampya yn gwylvos Sin.

¹²Hag i eth yn-kerdh a-dhiworth gwylvos Sin ha kampya yn Dofka.

¹³Hag i eth yn-kerdh a-dhiworth Dofka, ha kampya yn Alush.

¹⁴Hag i eth yn-kerdh a-dhiworth Alush, ha kampya yn Refidim le nag esa dowr dhe eva dhe'n bobel.

¹⁵Hag i eth yn-kerdh a-dhiworth Refidim, ha kampya yn gwylvos Sinay.

¹⁶Hag i eth yn-kerdh a-dhiworth gwylvos Sinay, ha kampya yn Kibroth-hattaava.

¹⁷Hag i eth yn-kerdh a-dhiworth Kibroth-hattaava, ha kampya yn Haseroth.

¹⁸Hag i eth yn-kerdh a-dhiworth Haseroth, ha kampya yn Rithma.

¹⁹Hag i eth yn-kerdh a-dhiworth Rithma, ha kampya yn Rimmon-peres.

²⁰Hag i eth yn-kerdh a-dhiworth Rimmon-peres, ha kampya yn Libna.

²¹Hag i eth yn-kerdh a-dhiworth Libna, ha kampya yn Rissa.

²²Hag i eth yn-kerdh a-dhiworth Rissa, ha kampya yn Kehelatha.

²³Hag i eth yn-kerdh a-dhiworth Kehelatha, ha kampya war venydh Shefer.

²⁴Hag i eth yn-kerdh a-dhiworth menydh Shefer, ha kampya yn Harada.

²⁵Hag i eth yn-kerdh a-dhiworth Harada, ha kampya yn Makheloth.

²⁶Hag i eth yn-kerdh a-dhiworth Makheloth, ha kampya yn Tahath.

²⁷Hag i eth yn-kerdh a-dhiworth Tahath, ha kampya yn Teragh.

²⁸Hag i eth yn-kerdh a-dhiworth Teragh, ha kampya yn Mithka.

²⁹Hag i eth yn-kerdh a-dhiworth Mithka, ha kampya yn Hashmona.

³⁰Hag i eth yn-kerdh a-dhiworth Hashmona, ha kampya yn Moseroth.

³¹Hag i eth yn-kerdh a-dhiworth Moseroth, ha kampya yn Bene-yaakan.

³²Hag i eth yn-kerdh a-dhiworth Bene-yaakan, ha kampya yn Hor-haggidgad.

³³Hag i eth yn-kerdh a-dhiworth Hor-haggidgad, ha kampya yn Yotbatha.

³⁴Hag i eth yn-kerdh a-dhiworth Yotbatha, ha kampya yn Abrona.

³⁵Hag i eth yn-kerdh a-dhiworth Abrona, ha kampya yn Esyon-geber.

³⁶Hag i eth yn-kerdh a-dhiworth Esyon-geber, ha kampya yn gwylvos Sin (henn yw, Kadesh).

³⁷Hag i eth yn-kerdh a-dhiworth Kadesh, ha kampya yn menydh Hor, war amal pow Edom.

³⁸Hag Aron an oferyas a yskynnas menydh Hor orth gorhemmynn an ARLOEDH, hag a verwis ena, y'n dew-ugensves blydhen wosa mebyon Ysrael dhe dhos yn-mes a bow Ejyp, y'n kynsa dydh a'n pympes mis.

³⁹Hag Aron a'n jeva kans bloedh ha dew warn ugens pan verwis war venydh Hor.

⁴⁰Ha'n Kananyas, myghtern Arad, esa trigys y'n Negeb yn pow Kanan, a glewas a dhevedhyans mebyon Ysrael.

⁴¹Hag i eth yn-kerdh a-dhiworth menydh Hor, ha kampya yn Salmona.

⁴²Hag i eth yn-kerdh a-dhiworth Salmona, ha kampya yn Punon.

⁴³Hag i eth yn-kerdh a-dhiworth Punon, ha kampya yn Oboth.

⁴⁴Hag i eth yn-kerdh a-dhiworth Oboth, ha kampya yn Iye-abarim, yn tiredh Moab.

⁴⁵Hag i eth yn-kerdh a-dhiworth Iyim, ha kampya yn Dibon-gad.

⁴⁶Hag i eth yn-kerdh a-dhiworth Dibon-gad, ha kampya yn Almon-diblathaym.

⁴⁷Hag i eth yn-kerdh a-dhiworth Almon-diblathaym, ha kampya yn menydhyow Abarim, a-dherag Nebo.

⁴⁸Hag i eth yn-kerdh a-dhiworth menydhyow Abarim, ha kampya yn plenys Moab ryb Yordan a-dal Yeriko;

⁴⁹i a gampyas ryb an Yordan a-dhiworth Beth-yeshimoth bys yn Abel-shittim yn plenys Moab.

⁵⁰Ha'n ARLOEDH a leveris dhe Moyses yn plenys Moab ryb Yordan a-dal Yeriko:

⁵¹Kows orth mebyon Ysrael ha lever dhedha: Pan dremenowgh dres an Yordan bys yn pow Kanan,

⁵²ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

⁵³ha hwi a gemmer an tir yn perghennogeth ha triga ynno, rag my re ros an tir dhywgh dh'y berghenna.

⁵⁴Hwi a wra ranna an tir rag eretons gans tewlel prenn herwydh agas teyluyow; dhe loeth bras hwi a re eretons bras, ha dhe loeth byghan hwi a re eretons byghan; dhe neb a goettho an prenn, henna a vydh dhodho; herwydh loethow agas tasow hwi a wra herya.

⁵⁵Mes mar ny fesyowgh trigoryon an tir a-dheragowgh, ena an re anedha a esowgh dhe wortos a vydh avel dreyn yn agas lagasow ha pigow yn agas tenwennow, hag i a'gas trobel y'n tir may fydhydh trigys.

⁵⁶Ha my a wra dhywgh hwi par dell dybis gul dhedha i.