Read Kernewek Yoshua 15 Bible Online

Yoshua 15 - Kernewek bible

Yoshua 15

¹An tir rynnys gans koelbrenn dhe loeth mebyon Yuda war-lergh aga theyluyow a dhallathas dhiworth or Edom yn gwylvos Sin y'n Negeb, y'n dhyghowbarth bell.

²Aga or dhyghow a dhallathas dhiworth Mor an Hoelan, dhiworth an taves a vir orth an dyghow;

³hi a besyas a'n dhyghowbarth dhe volgh Akrabbim, ow tremena Sin, ow mos yn-bann a'n dhyghowbarth bys Kadesh-barnea. Ena hi a dremenas Hesron, ow mos yn-bann dhe Addar, hag ow treylya dhe Karka.

⁴Ena hi a dremenas dhe Asmon, ow tos dhe wover Ejyp, ha diwedh an or o an mor. Homm o aga[4] or dhyghow.

⁵Or an howldrevel o Mor an Hoelan bys ganow an Yordan. Yth esa or an gledhbarth dhiworth taves an mor orth ganow an Yordan;

⁶ha'n or eth yn-bann dhe Beth-hogla, ha pesya a'n gledhbarth dhe Beth-araba, ow mos yn-bann dhe Ven Bohan mab Rewben.

⁷Ena an or eth yn-bann dhe Debir dhiworth nans Akor, ha treylya dhe'n gledhbarth dhe Gilgal, usi a-dal bolgh Adummim, a'n barth dhyghow dhe'n nans. An or a besyas dhe dhowrow En-shemesh, hag yth esa hy diwedh orth En-rogel.

⁸Ena an or eth yn-bann dre nans Mab-hinnom, dre leder dhyghow an Yebusysi (honn yw Yerusalem). Alena yth eth yn-bann dhe wartha an menydh a'n howlsedhes dhe nans Hinnom orth diwedh nans Refaim a'n barth kledh.

⁹Alena an or a ystynnas dhiworth gwartha an menydh dhe fenten dowrow Neftoagh, ow mos yn-mes orth sitys menydh Efron; ha'n or a ystynnas dhe Baala (honn yw Kiryath-yearim).

¹⁰Ena an or a dreylyas dhe'n howlsedhes dhiworth Baala dhe venydh Seir, ha mos dre denewen kledh leder menydh Yearim (honn yw, Kesalon), ha mos yn-nans dhe Beth-shemesh, hag ena dhe Timna.

¹¹Yth eth an or dhe leder Ekron a'n barth kledh, ha treylya dhe Shikkeron, ha tremena dhe venydh Baala, ha dos dhe Yabneel; ha diwedh an or o an mor.

¹²Or an howlsedhes o an Mor Bras ha'y morrep. An re ma yw oryon mebyon Yuda war-lergh aga theyluyow.

¹³Dhe Kaleb mab Yefunne ev a ros eretons yn mysk mebyon Yuda, war-lergh gorhemmynn an ARLOEDH dhe Yoshua — Kiryath-arba, honn yw Hebron (Arba o tas Anak).

¹⁴Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

¹⁵Alena ev eth yn-bann erbynn trigoryon Debir; ha hanow Debir kyns o Kiryath-sefer.

¹⁶Kaleb a leveris, ‘Piwpynag a wesko Kiryath-sefer ha'y dalghenna, my a re dhodho ow myrgh Aksa avel gwreg.’

¹⁷Othniel mab Kenaz, broder Kaleb a's dalghennas; hag ev a ros dhodho y vyrgh Aksa rag bos gwreg.

¹⁸Pan dheuth hi dhodho, hi a ynnias warnodho pysi park dhiworth hy thas. Hi a dhiyskynnas a'y asen, ha Kaleb a leveris dhedhi, ‘Pandr'a vynnydh?’

¹⁹Hi a leveris, ‘Ro dhymm ro. Ty a ros dhymm tir y'n Negeb, doro dhymm fentynyow dowr.’ Ytho Kaleb a ros dhedhi an fentynyow gwartha ha'n fentynyow isella.

²⁰Hemm yw eretons loeth mebyon Yuda war-lergh aga theyluyow.

²¹Yth esa an sitys ma y'n pella dyghowbarth a loeth mebyon Yuda, ogas dhe or Edom: Kabseel, Eder, Yagur,

²²Kina, Dimona, Adada,

²³Kedesh, Hasor, Ythnan,

²⁴Zif, Telem, Bealoth,

²⁵Hasor-hadatta, Kerioth-hesron (honn yw, Hasor),

²⁶Amam, Shema, Molada,

²⁷Hasar-gadda, Heshmon, Beth-pelet,

²⁸Hasar-shual, Beer-sheba, Bizyothia,

²⁹Baala, Iyim, Esem,

³⁰Eltolad, Kesil, Horma,

³¹Siklag, Madmanna, Sansanna,

³²Lebaoth, Shilhim, Ayn ha Rimmon: an sommenn naw sita warn ugens gans aga godrevow.

³³Y'n Shefela: Eshtaol, Sora, Ashna,

³⁴Zanoagh, En-gannim, Tappuagh, Enam,

³⁵Yarmuth, Adullam, Soko, Azeka,

³⁶Shaaraym, Adithaym, Gedera, Gederothaym: peswardhek sita gans aga godrevow.

³⁷Senan, Hadasha, Migdal-gad,

³⁸Dilean, Mispe, Yoktheel,

³⁹Lakish, Boskath, Eglon,

⁴⁰Kabbon, Lahmas, Kithlish,

⁴¹Gederoth, Beth-dagon, Naama, ha Makkeda: hwetek sita gans aga godrevow.

⁴²Libna, Ether, Ashan,

⁴³Yftagh, Ashna, Nesib,

⁴⁴Keila, Akzib, ha Maresha: naw sita gans aga godrevow.

⁴⁵Ekron, gans hy threvow ha'y godrevow;

⁴⁶dhiworth Ekron dhe'n mor, oll esa ogas dhe Ashdod, gans aga godrevow.

⁴⁷Ashdod, gans hy threvow ha'y godrevow; Gaza, gans y threvow ha'y godrevow bys gover Ejyp, ha'n Mor Bras ha'n morrep.

⁴⁸Y'n vro venydhyek: Shamir, Yattir, Soko,

⁴⁹Danna, Kiryath-sanna (honn yw, Debir),

⁵⁰Anab, Eshtemo, Anim,

⁵¹Goshen, Holon, ha Gilo: unnek sita gans aga godrevow.

⁵²Arab, Duma, Eshan,

⁵³Yanum, Beth-tappuagh, Afeka,

⁵⁴Humta, ha Kiryath-arba (honn yw, Hebron), ha Sior: naw sita gans aga godrevow.

⁵⁵Maon, Karmel, Zif, Yutta,

⁵⁶Yezreel, Yokdeam, Zanoagh,

⁵⁷Kayn, Gibea, ha Timna: deg sita gans aga godrevow.

⁵⁸Halhul, Beth-sur, Gedor,

⁵⁹Maarath, Beth-anoth, hag Eltekon: hwegh sita gans aga godrevow.

⁶⁰Kiryath-baal (honn yw, Kiryath-yearim), ha Rabba: diw sita gans aga godrevow.

⁶¹Y'n gwylvos, Beth-araba, Middin, Sekaka,

⁶²Nibshan, Sita an Hoelan, hag En-gedi: hwegh sita gans aga godrevow.

⁶³Mes ny allas mebyon Yuda fesya an Yebusysi, trigoryon Yerusalem; ytho yma an Yebusysi trigys gans mebyon Yuda yn Yerusalem bys y'n jydh ma.