Read Kernewek 2 Yowann 1 Bible Online

2 Yowann 1 - Kernewek bible

2 Yowann 1

¹An henavek,[1] dhe'n arloedhes dhewisys ha'y fleghes, a garav y'n gwirder: mes nyns yw my ow honan, mes ynwedh oll an re a woer an gwirder,

²a-barth an gwirder hag a drig ynnon hag a vydh genen bys vykken.

³Gras, tregeredh, ha kres a vydh genen a Dhuw an Tas, hag a Yesu Krist, Mab an Tas yn gwirder ha kerensa.

⁴My a lowenhas meur drefenn my dhe gavoes re a'th fleghes ow kerdhes yn gwirder, dell re gevsyn gorhemmynn gans an Tas.

⁵Ha lemmyn my a'th pys, A arloedhes, nyns yw par dell ven ow skrifa gorhemmynn nowydh dhis, mes an gorhemmynn a'gan beu a-dhia'n dalleth, may keryn an eyl y gila.

⁶Ha hemma yw kerensa, ni dhe gerdhes war-lergh y worhemmynnow. Hemm yw an gorhemmynn: may kerthowgh ynno, dell re glewsowgh a-dhia'n dalleth.

⁷Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist.

⁸Mirewgh orthowgh agas honan, na gellowgh[2] an traow re wrussyn[3] mes degemmeres leun bewas.

⁹Piwpynag ello re bell yn-rag, heb triga yn dyskas Krist, nyns eus dhodho Duw. Neb a drig y'n dyskas, yma dhodho keffrys an Tas ha'n Mab.

¹⁰Mar teu nebonan dhywgh heb dri an dyskas ma, na'n degemmerewgh yn agas chi na'n salusewgh.

¹¹Rag neb a'n salus, ev a gevrenn yn y dhrogobereth.

¹²Yma genev lies tra dhe skrifa dhis, mes ny via da genev skrifa gans paper hag ynk: mes y trestyav my dhe dhos dhis, ha kewsel fas orth fas, rag may fo agan lowender leun.

¹³Fleghes dha hwoer dhewisys a'th salus.