Read Keyagana Samu 130 Bible Online

Samu 130 - Keyagana bible

Samu 130

¹Ala kava neo, huꞌna, muki yaꞌmoꞌa aino nati kaeꞌnigeꞌna afepilaga maiꞌneꞌnaeꞌmo kagaefekeꞌmo keya aeꞌna ge nehuve.

²Ala kava nene, huꞌna, geꞌnimo afiyo. Naha mao, huꞌna keya aeꞌna ge nehuva geꞌnimo kagetafo huka afiyo.

³O Gotiyo, huꞌna, hosu kavatimo alika fako huka lateteka miyatimo lamiꞌnanesinana Ala kava nene, huꞌna, ina laꞌmo afaꞌa aeno kasalo paeyesine.

⁴Magoke vekamoꞌa alagi aeno kasalo opaeyesinaꞌmonanafa kagaefeꞌmo koli huteꞌa mono hisayafeꞌmo hosu kavatimo alika neꞌatalane.

⁵Nagaemo Ala kava neꞌmoꞌa naha maesiyafeꞌmo agava maiꞌneꞌna geꞌaekeꞌmo nagesa afiteꞌna agava maiꞌneꞌnaeꞌmo navayagunagu nehuve.

⁶Neꞌyagaiya vayaꞌmogi hani huꞌniya yaꞌmo hano hisigeno ha le yaꞌmo afole aisiyafeꞌmo nehapaigeꞌa agava neꞌmaiya kava huꞌna Ala kava nefeꞌmo magoꞌe huꞌna agava neꞌmauve. He, agava neꞌmaiya kava huꞌna aeꞌna apakaseꞌna Ala kava nefeꞌmo magoꞌe huꞌna agava neꞌmauve.

⁷Isaleli vayaꞌmogitapae, huꞌna, Ala kava nefeꞌmo lapakesamo afitetapa lapa maesiyafeꞌmo lapavayagunagu hutapa maiyo. Ala kava neꞌmoꞌa vayaꞌaeꞌmo hau huno neꞌapateyanageno olapatalegaiye. Agaemo muki alu hosu kavapatiꞌe alu hosu kavapatiꞌeꞌmo miya faino hatu maeno neꞌapateyaꞌmofeꞌmo ani kavafeꞌmo lapakesa afitetapa lapavayagunagu hutapa maiyo.

⁸Agaemo agaiꞌa Isaleli vayaꞌamo muki alu hosu kavapatiꞌe alu hosu kavapatiꞌeꞌmo miya faino hatu maeno apategaiye.