Read Keyagana Samu 6 Bible Online

Samu 6 - Keyagana bible

Samu 6

¹Ala kava nene, ge neꞌnahaugenoꞌaeꞌmo kaipamo neleneꞌmo ge oꞌnahauvo. Kayoꞌmo neꞌnamisanagenoꞌaeꞌmo kaipamo neleneꞌmo kayoꞌmo oꞌnamiyo.

²Lokiyaꞌnimo alagi ohaneꞌniyanagi kahau huka nato. Lokiyaꞌnimo alagi ohaneꞌnigeꞌna atete nehuvanagi halate alika alagepa huka nato.

³Naipamoꞌmo lusi kava huno kana huꞌniyanageka na magi afinaꞌmo maiteka naha maegane.

⁴Ala kava nene, huꞌna, aika afe leka nagetekaeꞌmo hatu maeka nato. Falu kaipa vekamo maiꞌneka kahau huka neꞌapatana vekamo falisuva kavategatiꞌmo nagufamo alika katika nato.

⁵Faliꞌnaya vayaꞌmogimo kagaefeꞌmo apakesamo noꞌafiye. Kanolufiꞌmo maiꞌnaya vayaꞌmogi kagikaleꞌmo aliꞌa asaga huꞌa nokatae.

⁶Yulagefa neꞌaugenoꞌaeꞌmo lusi kava huno alaga neꞌnahae. Muki haniꞌilagamo hipaꞌnileꞌmo havaeꞌnogenoꞌaeꞌmo naunu aniꞌmoꞌmo hipaꞌnileꞌmo lamiꞌnigenoꞌaeꞌmo lanitani nehiye.

⁷Kame vayaꞌnimo maiꞌnagenoꞌaeꞌmo naunumo lamiꞌnigeno naulagamo kosiꞌnigeꞌna ageꞌna alagepa huꞌna noꞌagove.

⁸Aviꞌya nehugenoꞌaeꞌmo Ala kava neꞌmoꞌa afiꞌniyaꞌmofeꞌmo hosu kavaꞌmo nehaya vayanagi nataletapa viyo.

⁹Nunumu huꞌna aukaya huꞌna ge nehugenoꞌaeꞌmo afiꞌniyanageno afaꞌa naha maegaiye.

¹⁰Naha maesigeꞌapaeꞌmo muki kame vayaꞌnimo apavagage hisigeꞌa atete hugae. Apavagage hisigeꞌa nataleꞌa ugae.