Read Khiamniungan Naga Apung 14 Bible Online

Apung 14 - Khiamniungan Naga bible

Apung 14

¹Nokpao hoi püle, Babilon hai nokpao Amrafel, Elasar nokpao Ariok, Elam nokpao Kedorlaomer, naiuso Goiim nokpao Tidal taoko,

²ngüsoüh Sodom nokpao Bera ko, Gomora nokpao Birsha ko, Adma nokpao Shinab ko, Zeboiim nokpao Shemeber ko, naiuso Bela nokpao (nung Zoar) ko ehli tsalo.

³Nungso nokpao pungo hoi-ekü Siddim tsamei lo tisübao tü Ee Khiamnok ta jonji, nungai ngüso süpai hoi kamshin.

⁴Ngüso pon chekü nime Kedorlaomer oukong khemko noikü shin, lüko pon chekü süme nouko naito ngüsoüh apa tü khengshikü tsalo.

⁵Pon chekü püle nouko nai Kedorlaomer naiuso apako hatsün nokpao nousoüh ngüso süpaihoi hakü shiküta Asterot — karnaim nai Refaim hai, Ham nai Zuzim hai, Kiriathaim tsamei nai Emim hai;

⁶naiuso Edom king nouso nai Hor hai, singtso goh thon nai Elparan saokü ngüso koman.

⁷Naiuso ngüso phoklekü Kades ai shin, ngüsoüh Amalek hai goh apem shioloküta Hazaron Tamar nai kihtsün Amor hai shiolo.

⁸Nai Sodom nokpao, Gomora nokpao, Adma nokpao, Zeboiim nokpao naiuso Bela nokpao nousoüh ngüso süpaihoi Siddim tsamei ai,

⁹Elam nokpao, Goiim nokpao, Ba- bilon nokpao naiuso Elasar nokpao pungo nouso nokpao püle thako ehli nou tsalom.

¹⁰Nung tsamei temchei nou miankü noiküla, tilai Sodom naiuso Gomora nokpao nousoüh ehlithang ainou khuwanao kowe ngüso nung temchei nouko khia-an, lüko amao nokpao süme nouso to king nai haiulo.

¹¹Nokpao püle nou Sodom si Gomora ainou eheshiu saokü alum jengtsaiu lowan küta khuwan.

¹²Lot, Abram le, Sodom nai kihkü noiküla, ngüsoüh apa naiuso jengtsaiu nouso lüko kanlükhunan.

¹³Nungai akhulükhuntsünso tsak shikü Ibri hai nou Abram tü nung thaiutha ngiom, nung khaiunia nou Amor hai nou Mamre tsamei nouso shimkü kihküla, naiuso apa dei Eskol si Aner, nungso Abram ko mei-ekü noiküla.

¹⁴Tilai Abramüh apa le thalowaniu ta lula, apaüh meshen tsamai noitsün ehli khaiunia 318 nouso jonkam, küta Dan saokü nokpao püle nouso ta komkü khu.

¹⁵Nungaih Abramüh apa khaiuniaso hoihoi ta janthat, küta eh nouso asoh anyakhem nai komankü ngüso shiolo. Damaska ko ajepekki nai noitsün Hoba saokü apaüh ngüso komkü khu;

¹⁶küta apaüh akanlükhunantsün jengtsaiu apem laokü epshin. Apa le Lot naiuso apaüh taiutsün jengtsaiu nouso, menyiuhoi naiuso amao sothso nouso kamkü kankü shishin.

¹⁷Tilai Abram Kedorlaomer naiuso amao nokpao nouso khako ashio epkü laokü shin, Sodom nokpao Shave tsamei nai apako pheteao khun.

¹⁸Naiuso Melkizedik sau Salem nokpao naiuso Akhengting Goa meson tsak noiküla, apa lüko Abram hau themtsai naiuso theng kankü shin;

¹⁹küta ouk kiukü ngiom, “Aün naiuso Goum shantsün APAOU Akhengting Goa ouk Abram da lünoi!

²⁰Thatü Akhengting Goa, ni hau meshen eh khaiuko ashiolotsün ep in, apa lülom!” Naiuso Abramüh jengtsaiu apem laokü epshitsün ainou Melkizedik hao ekve kiu.

²¹Sodom nokpao nou Abram tü ngiom, “Jengtsaiu nouso taiuküta, akhaiunia apem ngü hao laokü akiuwanshi.”

²²Abramüh Sodom nokpao tü thashin, “APAOU Goa Akhengting Goum naiuso Aün shantsün APAOU khako ngü jüpha loksankü ngiowaniu,

²³ngü ni nou ewoi pem tsak tsüdekünai hokkhut ao tsak lüko ti tsütaiu-e, tsüngean, ni ngio-e; ‘Abram memei shankiutsün ngo tsak noin.’

²⁴Ngo jü thaiutha titso tsülo-e. Ngo jü khaiuniasoüh ti kankeikü shin nunglu lo-e. Lüko jeko jeiaihatsünso Aner, Eskol, naiuso Mamre, ngüsoüh meshen haoson lülo.”