Read Khiamniungan Naga Apung 16 Bible Online

Apung 16 - Khiamniungan Naga bible

Apung 16

¹Abram tsammongnyiu Saraiüh apa hau methso tsüchetkiu. Lüko nung nyiuhai nou Ijip hai sua menyiuthso tsak Hagar ta niankü taiuküla,

²naiuso apaüh Abram tü ngiom, “APAOU nou ngo methso chettsün ainou pungekü taiuwan. Jü sua menyiuthso nouko lü em ta ngo ni tü kojaji. Tsüngean, apaüh ngü hau methso tsak chetkiuau shiom.” Abramüh apatü Saraiüh ngiotsün ko mongchiokü iula.

³Nungtiphe Saraiüh Hagar Abram hau tsamkhaiu yangtsün tsüyankü menyiu the-iau kiu, (nung Abram Kanan nai pon che kihkütün phiai thawao.)

⁴Abram Hagar ko em, küta apa pem tsükengkü iula. Tilai apa pem tsükengkü iulakü ngesan, apa Sarai lochikü bülomkü iula.

⁵Nai Saraiüh Abram tü ngiom, “Hagarüh ngo lochitsün nung ni aphio. Ngo jüpemüh apa nihau kium, küta apa pem tsükengkü iulatsün epsan nouko yakü, apaüh ngo lochiji. APAOU nou je jetko ni süne ngo ayamtha nai noin nung mi lükhem!”

⁶Abramüh thalakü ngiom, “Thatü mei, apa ni ün sua noin naiuso aoukong khemko noin; ni apa tü tilüsong chhiau aiuji lüchhi.” Nai Saraiüh Hagar tü thsüokü angja kiukü kankei küta Hagar khulükhunan.

⁷APAOU hong nou Hagar ko singtso goh nai khiam noitsün tsak Shur ai khutsün yamai phete,

⁸küta ngiom, “Sarai sua nyiuhai, Hagar, ni ti ainou shin naiuso ni tiai khu-e?” Apaüh thalakü ngiom, “Ngo, ngü taiutsün nyiuhai ainou khulükhunanji.”

⁹Apaüh ngiom, “Apa dongai laokü shiküta apa sualu lüthe.”

¹⁰Nai hong nou ngioshin, “Sauüh wesanao tsüshiokü ngo ni hau thsaosithsoso piakü kiu-e.

¹¹Ni melothso tsak chette, naiuso ni apa nian Ismael ta niane, tiautenai APAOU nou ni angja nai wetsün lula-iu.

¹²Lüko athso nung tsüthakipkün gado tsak khekkü noi-e; apaüh khaiunia pungkü tü khengshi-e, naiuso khaiunia pungkü nou apa tü khengshi-e. Apa meshen tsammongso chikü ainou pungekü kih-e.”

¹³Hagarüh apa chija sanglokü ngiom, “Ngü Goa atsüoteng epküta nung thaiutha chiteshiau loüh aa noin süne?” Nungtiphe apaüh APAOU, sauüh apa ep nungtü “A-Eptsün Goa” ta jon.

¹⁴Nung shioko khaiuniahoi nou Kades si Bered ne jetko noitsün temkhao tü, “Ngü Eptsün Aa Goa Tsak ün Temkhao” ta jonji.

¹⁵Hagarüh Abram hau melothso tsak chetkiu, küta apa nian Ismael ta niankiu.

¹⁶Nung taoko Abram achetpon 86 noiküla.