Read Khiamniungan Naga Apung 7 Bible Online

Apung 7 - Khiamniungan Naga bible

Apung 7

¹APAOU nou Noa tü ngiom, “Ni naiuso atsamkhaiu apem kheng nai anap; tititenai ngo nung vetao nouko ni asio ta epsaniu.

²Asio thainian in pungkü ainou niko chinyatnyat ibkü lülo, nungso apong si asang, naiuso tsüsiokü nou thainian ainou nimeme, nung apong si asang;

³maou nai tsakeitsün waio nouso ainou lüko chinyatnyat ibkü apong si asang goumchi apem nai alelo aa noi-iao thaiutha lülo.

⁴Tititenai loto chinyatnyi nouko ngo ajekhaiu aopülenyi naiuso aopüleso goumchi nai ah nou ou-i-e; naiuso aa noitsün apem, tilüsong ngo shan, nungso goumchi ainou mowani-e.”

⁵Naiuso APAOU nou apa tü thoiluttsünli Noaüh apem chhin.

⁶Noa achetpon 600 taoko nai goumchi nai shelei nou shin.

⁷Shelei ainou thakhuau Noa ko apa thsoso, apa tsammongnyiu, naiuso apa thsoso ün tsammongnyiuso, kheng nai nap.

⁸Asio thainianso si tsüsiokün thainianso ainou, waio nouso ainou, goh chiai chinkeitsünso ainou,

⁹nimeme, apong si asang, Goa nou Noa tü thoiluttsünli Noa ko kheng nai nap.

¹⁰Naiuso ajekhaiu chinyatnyi yanküta goumchi nai shelei shin.

¹¹Noa aakihlaiu pon 600, alei nime nouko, ajekhaiu chekü chinyat nouko nai nung ajekhaiu noukolu haiuchetngan chikü thoksatkü sungh, naiuso aün koukhantso nouso sopsat.

¹²Naiuso goumchi nai ajekhaiu aopülenyi naiuso aopüleso ah-nou oukü noiküla.

¹³Nung ajekhaiu noukolu Noa naiuso apa thsoso: Shem, Ham, naiuso Japet, Noa tsammongnyiu, naiuso ngüso ko ngüso thsoso tsammongnyiu süme nouso, kheng nai nap;

¹⁴ngüso naiuso liu thainian chikü in pungkü, tsam thainian in pungkü, goh chiai chinkeitsün in pungkü, waio nouso in pungkü, akoi potsün in pungkü,

¹⁵naiuso aa ii noitsün chikü ainou ngüso Noa dongai kheng nai nap.

¹⁶Naiuso kheng nai naptsün nyih suntsün chikü, Goa nou Noa tü thoiluttsünli, apong si asang nou nap, küta APAOU nou ngüso amongai kiaplo.

¹⁷Shelei nou goumchi nai ajekhaiu aopülenyi noiküla, naiuso khiam nou piajikan küta kheng nou tsopkü sungh.

¹⁸Shelei nou kongkü, goumchi nai thatü piakü iula; naiuso kheng nou khiam chi nai tsopkü sungh.

¹⁹Naiuso khiam nou goumchi nai thatü kongkü iula, naiuso maou nouso khemko king atsok nouso chikü limlowan.

²⁰Meter chinyat koiai khiam nou kongkü meansan; naiuso king nou limjeikü noiküla.

²¹Goumchi ko alemlemtsün aa thso apem, waio, tsam thainian, liu thainian, naiuso goh chiko chinkeitsün thainian chikü,

²²naiuso khaiunia chikü, aa onthso ii lokü noitsün chikü ean.

²³Nungli goumchi nai aa noitsün chikü, khaiunia lüko, tsam thainian lüko, achinkeitsün thainian lüko, maou nai kihtsün waio nouso lüko moisemkü mowan, ngüso goumchi ainou mowan, nungko Noa naiuso apa ko kheng nai noitsünsolu poisan.

²⁴Shelei nou goumchi nai ajekhaiu 150 ngoikü loikü noiküla.