Read Khiamniungan Naga 2 Sam 4 Bible Online

2 Sam 4 - Khiamniungan Naga bible

2 Sam 4

¹Tilai Saul thso Isboshetüh Hebron nai Abner loataniu ta lula, apa naiuso Israelhai apem hatkü lekkat.

²Isboshet khemko Benjamin kau Berot ainou Rimon thsoso Bana naiuso Rekab, ngüso nok komhetsün ko asong naiuso ahei noiküla.(Berot nung Benjamin kau au wehaji.

³Nungko ayating nyimsantsünso Gitaim nai khuwan, nungtiphe ngüso nung tao nai yalokü nungko kihlo.)

⁴Saul thsao Mefiboshet ta niankü Jonathan thso achetpon pungo, noitsün tao Saul naiuso apa po Jonathan loatan. Tilai ngüso eantsün ngiongem nung Jezreel noknio ainou shisaom, apa paotsangtsün nou methso loklokü khulükhun, lüko nung apa paotsangsantsün menyiu nou thatü liu liuphe, apaüh methso nou le-an naiuso apa chiukao iulawan.

⁵Rekab si Bana ne Isboshet tsam tü pha poau ayang noikü, ngüne nungaih anyiwem thatso nai shisaom, nungtaoko Isboshet anyiwem aalotsün tao noiküla.

⁶Koukhan ko noitsün menyiu nou niongaongamkü tilai whettso tsopkü noiküla, nungtao apa niongaongamkü saila-an. Nungai Rekab si Bana ne tsamai laikü napan.

⁷Ngüne tsammongai Isboshet tsampai ai nap, nungko apa niongao cheikü saikü noikü epküta ngüneüh apa loatkü wan. Nungaih ngüneüh Isboshet khaiu taploküta asoh chikü tsakeikü Yordan tsamei yankü khu.

⁸Ngüneüh apa khaiu kankü shiküta Hebron nai Nokpao David hau shikiukü apatü ngiom, “Nungko ni loatau kowetsün Saul thso Isboshet khaiu noin. Lonyi APAOU nou Asuhatkü noitsün Nokpao hau Saul naiuso apa thsaosithsoso tü thamshiau yam nou sopkiu-iu.”

⁹Nungaih Davidüh ngüne tü thalakü ngiom, “Ahat apem ainou sauüh ngü kipsan, ngo aa Goa APAOU khako ngiomong shinge tsak shanji!

¹⁰Ngiongem kantsün tsak Ziklak nai jüdongai shikü ngiom, nungko ngo apaüh ngiongem amei kanjikanji ta yangkü noiküla, lüko ngü hau Saul eantsün chitekü noiküla. Küta ngo apa thalokü ta loatkü wan, nungh apa ün ngiongem amei thaiutha ngo apa hau kiutsün amai paopei nou nung noiküla.

¹¹Aphio tsünoikün khaiunia tsak sau meshen tsamai saikü noikü nouko loat nung khaiunia nouso thaiutha aküothe titengkü noi-e! Apa loatkü wantsün thaiutha ngo nitü lo thamshi-e, naiuso ni goumchi khako nou moisemkü lomowane.!”

¹²Davidüh ngiokhem kiuküta apa süpaisoüh Rekab si Bana ne phasihok tapsan küta nungh Hebron nai temkhao shimkü phankü wan. Naiuso ngüsoüh Isboshet khaiu loküta Hebron nai Abner etam ai khanan.