Read Khiamniungan Naga 1 Nokpao 4 Bible Online

1 Nokpao 4 - Khiamniungan Naga bible

1 Nokpao 4

¹Solomon nung Israel apem khako nokpao noiküla,

²naiuso nungso apa ün asonghoi noiküla: Meson nou- Zadok thso Azaria.

³Apa noikham nai asattsünso: Shisha thsoso Elihorep naiuso Ahija, Ngiolat sattsün nai ateng: Ahilud thso Jehoshafat.

⁴Süpaihoi Ahei: Jehoiada thso Benaia. Meson nouso: Zadok naiuso Abiathar.

⁵Khiamkhan nokshingpao akhengting nou: Nathan thso Azaria Nokpao lotsüotsün: Nathan thso meson Zabud.

⁶Nokpao tsamai yathsüotsün ahei: Ahishar Chhi chhitsünso ongko ahei: Abda thso Adoniram.

⁷Solomonüh Israel nai khiamkhan nokshingpao theau khaiunia chekü nime thio. Ngüsoüh nokpao naiuso apa tsamai noitsün apem thaiutha ehesishiu meshen khiamkhan ainou, pon nouko khaiunia pungkü hau alei tsak tsak thaiutha eheshiu paotsangi.

⁸Nung asonghoi chekü nime nian nouso naiuso ngüso pungkü hau apaotsangau khiamkhan haoson thoilutkiutsünso: Benhur hau: Efraim king goumchi kium.

⁹Bendeker hau: Makaz noknio, Shaalbim noknio, Bet Shemes noknio, Elon noknio, naiuso Bet Hanan noknio nouso sonlutkiu.

¹⁰Benhesed hau: Arubbot naiuso Sokoh noknio naiuso Hefer goumchi apem sonlut kium.

¹¹Benabinadab sauüh Solomon menyiuthso Tafatko tsamsigoh yang: apa hau Dor singkhan athum sonlut kium.

¹²Ahilud thso Baana hau: Taanak noknio, Megiddo noknio naiuso, Betshan shimkü noitsün singkhan apem, Zarethan noksong shimkü ajepekki nai noitsun noksong Jezreel, Abel Mehola noknio saokü naiuso Jokmeam noknio nouso sonlut kium.

¹³Bengeber hau: Gilead nai Ramot noknio, Manase thso Jair kau ün Gilead nai noitsün nok nouso, Bashan nai Arob shingkhan, lungpe nou petsün naiuso bekhan nouso taoson nou shantsün, apem nai noksong aoluok nouso sonlut kium.

¹⁴Iddo thso Ahinadab hau: Mahanaim khiamkhan sonlut kium.

¹⁵Ahimaaz- Solomon menyiuthso amao tsak nou Basemat tsammongpo hau: Napthali goumchi sonlut kium.

¹⁶Hushai thso Baana hau: Asher Khiamkhan naiuso Bealot noksong sonlut kium.

¹⁷Parua thso Jehoshafat hau: Isakarhai goumchi sonlut kium.

¹⁸Ela thso Shimei hau: Benjaminhai goumchi sonlut kium.

¹⁹Uri thso Geber hau: Amorhai nou Nokpao Sihon naiuso, Bashan Nokpao Og neüh shingkü shitsün Gilead goumchi sonlut kium. Nungso asonghoi chekü nime nouso chiai loüh goumchi athum khako nokshingpao tsak noiküla.

²⁰Yihuda naiuso Israelhai khiam- nok sai nai singtso khekkü haove au tsüshiokü shingkü khu; ngüsoüh hekü naiuso shiukü monglengekü noiküla.

²¹Solomon nokshang mongko hatsün Eufrates Haiu ainou Filistia naiuso Ijiphai goh elung saokü goumchi apem noiküla. Ngüsoüh liukim apa hau kiu, naiuso apa aakihlaiu thathunkü apa khemko noi.

²²Solomonüh ajekhaiu pungkü pohtsün jimsivei, wone amei tsoi heng 5, 000 naiuso chih tsoi heng 10, 000;

²³achih hewaokü taiutsün jangtso che, khenglio tsamhe-ikü taiutsün jangtso khei, onnemok tsom tsak, nung chiai jenchai, suo, juok naiuso waio atsahoi noiküla.

²⁴Solomonüh Eufrates Haiu ajenap goumchi apem khako Tipsa ainou ajenap nai Gaza noknio saokü nokshing shing. Eufrates Haiu ajenap nai noitsün nokpao nouso apem apa khemko noiküla, naiuso apa chenpa goumchi apem nouko nokmei noiküla.

²⁵Nokpao Solomon aa noitsün lektso Yihuda naiuso Israel khaiuniahoi apemüh momo sainaoshep naiuso phioshep eiu a-kü apem aalu nai kihküla.

²⁶Solomonüh apa mokthso ehli tsamkeihoi thaiutha anoitsam heng 40, 000 naiuso ehli mokthso nouso thaiutha heng 12, 000 taiuküla.

²⁷Apa asonghoi chekü nime nousoüh meshen ta sonluttsün alei nouko Nokpao Solomonüh pohtsün naiuso apa tsamai heshiutsünso thaiutha tongta kiukü, ngüsoüh asaichi alum apohtsün kiu.

²⁸Ehli mokthso naiuso atenkeiau taiutsün thainian nouso thaiutha lüko nokshingpaou pungkü nou meshen haoson tsonyak naiuso tsokap nou tiai pohkü noin nungko kiu.

²⁹Goa nou Solomon hau mongthat mongsai naiuso angelatsün naiuso a-nge nou athatluao tsüshiokü thatü songkü kiu.

³⁰Solomon mongthat mongsai nung ajepek nai nouso naiuso Ijiphai mongthat mongsai khengai noiküla.

³¹Apa mongthat mongsai noitsün khaiunia chikü khaiuko atsokting mongthat mongsai noitsün tsak noiküla: Ezra hainou Ethat, Mahol thsoso, Heman, Kalkol, naiuso Darda ün mongthat mongsai khengthiokü noiküla; naiuso apa niansong chenpa goumchi apem ai pengkü khu.

³²Apaüh ngio uo heng 3, 000 kamsan naiuso jih nou heng tsak khengai shan.

³³Apaüh Lebanon ainou cedar tü yanou lungpe nouso tü liukitsün hessop nouso tü thalutkü paisam aosam thaiutha chite; apaüh waio nouso, chajeen nouso, naiuso ngou nouso thaiutha chite.

³⁴Goumchi apemüh apa mongthat mongsai thaiutha lulan naiuso apa tü anglu-au thaiuthako khaiuniahoi hongshikü noiküla.