Read Khiamniungan Naga 2 Nokpao 12 Bible Online

2 Nokpao 12 - Khiamniungan Naga bible

2 Nokpao 12

¹Israelhai Nokpao Jehu nok- shing pon chinyat nouko nai Joas Yihuda nai nokpao tsalo, naiuso apaüh Yirusalem nai pon aopüle nok-shing. Apa nyiu Bersheba noknio ainou Zibia noiküla.

²Apa aakihlaiu thumkü APAOU nou mongchiotsün chhin, tiautenai meson Jehoiadaüh apahau ayamhan kiukü noiküla.

³Nungti lüko paisilung am- khamthang nouso tsülotheanphe khaiuniahoi nou aloat chaithio nouso naiuso angannyam jahkü amtsün tsülao.

⁴Joasüh mesonhoi jonkü ngiom, chaisiou Amkham Tsam ai kiukü noitsün tangka nouso, amongchio paopei kiutsün tangka ayam nemtso ainou shitsün lulotha-an.

⁵E-po pungkü momoüh yathsüotsünsoüh kankü shitsün tangka apolio sungnai Amkham Tsam shanshiau the-e.

⁶Lüko Joas nokshing pon kheikü süme nouko saokü mesonhoi nou Amkham Tsam titso tsüshanshi.

⁷Nungtiphe apaüh meson Jehoiada naiuso amao mesonhoi nouso jonshi küta sangkü ngiom, “Asamüh Amkham Tsam tiauta tsüshanshi? Lo ainou yaküto asamüh eptsün tangka nou asamüh tsütaiu-e; nung tsam alashiau shiokü hau asamüh tangka nou tsütaiu shiau noin.”

⁸Mesonhoi nouso nung Amkham Tsam tsüshan shiau ngiotsünko mongchio.

⁹Nungtiphe meson Jehoiadaüh paidan nou loküta akap nai akhan losatküta Amkham Tsamai naptsün nai amthang nouko nung paidan taiukiu. Amkham nai shitsünso tsangkü tangka kiutsün nung bekhan nai jimkü noitsün meson nousoüh paidan nai thiokiu.

¹⁰Ti- taoko paidan nai tangka piakü noi-e, nokpao asat nou naiuso Akhengting Meson nou shi-e, küta tangkason nou lokhamkü thatlukü taiu.

¹¹Chai tongtü noitsün satloküta, ngüsoüh Amkham Tsam nai chhitsünso khaiunia aheihau nung tangkason kiuwan, naiuso nungso pai jengtsaiu shantsünso, tsamlah nouso,

¹²lung shentsünso naiuso lung tsantsünso, alinpai naiuso lung nouso ashanshi taoko kankeitsün, naiuso amao awanau noitsün atengteng nouso ai khuwan.

¹³Nung tangka tsaktso tangkason thengkam shantsün, chiu saitsün jangongmatau shantsün, tsüdekünai chon taiuau jengtsaiu shantsün nai wanan, tsüdekünai tangkason si chaiou lakkeng jengtsaiu shantsün nai amai kiuau tsükankei.

¹⁴Nung apem achhitsün khaiuniahoi hau kiuau naiuso Amkham Tsam shanshi taoko jengtsaiu tuh au kankei.

¹⁵Chhisiya nai ahei nouso thumkü ngiotsüo noitsünlu noiküla, nungtiphe ngüso chai thaiutha asemsei shiau ti pokü tsünoiküla.

¹⁶Aphio thaiutha chaithio kiutsün naiuso angei thaiutha chaithio kiu- tsün nungso paidan nai tsüthioha; nung mesonhoi thaiutha haoson nou noin.

¹⁷Nungtaoko Siriahai Nokpao Hazaelüh Gat noknio komhean naiuso shiolowan: nungthankü apaüh Yirusalem komheau thatlokü noiküla.

¹⁸Yihudahai Nokpao Joasüh apa khako nokpao nouso Jehoshafat, Jehoram, naiuso Ahazia ngüsoüh APAOU hau losiokü taiutsün chaithio apem nouko apa tengkhaiu chaithio hoilutkü naiuso Amkham Tsam si nokpao tsam ai kamtaiutsün chaiou lakkeng apem loküta nungso apem Nokpao Hazael hau paopei tsak hau thekü hongan, küta lu Hazaelüh apa süpaihoi nialokü Yirusalem ainou khuwan.

¹⁹Nokpao Joasüh chhisiyatsün alum Yihudahai Nokpaohoi Ngiolat Thsam nai satkü taium.

²⁰Nokpao Joas asonghoi nou apa ta mongkhem, naiuso ngüso ongko khaiunia nime Shimeat thso Jazakar naiuso Shower thso Jehozabad neüh Yirusalem ajepekai shimkü apukpukkü lahtsün tsam tsak sübao Silla nai saokhutsün yamkukko noiküla, nung tsamko loatkü wan. Joas nung David noknio nai nokpaohoi etam nai khanan, naiuso apa thso Amaziaüh apa nokpao noikham lilo.