Read Khiamniungan Naga 2 Nokpao 15 Bible Online

2 Nokpao 15 - Khiamniungan Naga bible

2 Nokpao 15

¹Israelhai Nokpao Jeroboam (11) üh nokshing pon kheikü chinyat nouko nai Yihuda nai Amazia thso Uzzia nokpao tsalo,

²apa nokpao tsalo taoko achetpon chekü luok noiküla, naiuso apaüh Yirusalem nai pon aopungokü nime nok-shing. Apa nyiu Yirusalemhai Jekolia ta niankü noiküla.

³Apa po hokngam tü hoilutkü apaüh APAOU mongchiotsün chhin.

⁴Lüko paisi- lung amkhamthang nouso tsülo- thean, nungtiphe khaiuniahoi nou aloat chaithio kiutsün naiuso angan- nyam jahtsün tsülaokü noiküla.

⁵APAOU nou Uzzia tü khun tsümekün akia tsaküh shiuh, naiuso nung jeekia apa aakih thathunkü sunkü noiküla. Apa meshen teng- khaiu tsam tsakko kihkü chhisiya apemko nou aalokü noi, nungtaoko apa thso Jothamüh shingkhannio nou chiai nok-shing.

⁶Uzziaüh chhisiyatsün alum Yihudahai Nokpaohoi Ngiolat Thsam nai satkü taim.

⁷Uzzia ean naiuso apa David Noknio nai nokpaohoi etam nai khanan, naiuso apa thso Jothamüh apa nokpao noikham lilo.

⁸Yihudahai Nokpao Uzzia nokshing pon aosamkü petjei nouko nai Zekaria thso Jeroboam (11) Israel nai nokpao tsalo, naiuso apaüh Samaria nai alei luok nok-shing.

⁹Apaüh lüko apa khako nokpaohoi nou chhitsün khekkü APAOU thako angei chhin. Israelhai angei nai nialükhuntsün, Nebat thso Nokpao Jeroboam akausai chhisiya hokngam nai hoilut.

¹⁰Jabes thso Shallumüh Nokpao Zekaria ta mongkhem naiuso apa Ibleam ai loatkü wan, naiuso apaüh nokpao noikham lilo.

¹¹Zekariaüh chhisiyatsün alum Israelhai Nokpaohoi Ngiolat Thsam nai satkü taim.

¹²Nungtiphe APAOU nou Nokpao Jehu tü athalo shantsün thawaokü noiküla: “Athsaosithso, vetao püle tü saothalutkü, Israel nai nokpao the-e.”

¹³Yihudahai Nokpao Uzziaüh pon aosamkü lükao nok-shingtsün taoko, Jabes thso Shallum Israelhai Nokpao tsalo, naiuso apaüh Samaria nai alei tsak nokshingkü noiküla.

¹⁴Tirza ainou Gadi thso Menahem Samaria ai khuküta Shallum loatkü wan naiuso apaüh nokpao noikham lilo.

¹⁵Shallumüh chhisiyatsün alum, apaüh chhisiya tsümeikü chhikü shitsünso mongthiokü Israelhai Nokpaohoi Ngiolat Thsam nai satkü taim.

¹⁶Menahem apa Tirza ainou yashitsüntao yamko nai apaüh Tapna noknio, nungko kihtsün khaiuniahoi, naiuso nung lemkü noitsün goh thumkü lothean, tiautenai nung noknio apa oukong khemai tsünapkü noiküla. Apaüh loüh pemtsükengkü noitsün menyiuhoi thai lüko chisatkiukü chhin.

¹⁷Yihudahai Nokpao Uzzia nokshing pon aosamkü lükao nouko nai Gadi thso Menahem Israel nai nokpao tsalo, naiuso apaüh Samaria nai pon che nok-shing.

¹⁸Apaüh Nebat thso Nokpao Jeroboam sauüh apa aakihlaiu thathunkü Israelhai angei nai niakei, nung akausai hokngam tü hoilutkü apa aakihlaiu thathunkü APAOU thako angei sun- hekü noiküla.

¹⁹Asiriahai nokpao Tiglat Pileserüh Israelhai komhean, naiuso Menahemüh apa phako nokpao ün nokshing oukongkü noi-iau thaiutha apa ahachu apako noiau thaiuthako Tiglat Pileser hau tangkason tsoi heng 34, 000 kiu.

²⁰Menahemüh nung tangka nou Israelhai memei khaiuniahoi nouso ainou khaiunia pungkü tangkason aopungongo kiuau oukong nou saokü noiküla. Nungtiphe Tiglat Pileser apa goumchi ai laokü khuwan.

²¹Menahemüh chhisiyatsün alum Israelhai Nokpaohoi Ngiolat Thsam nai satkü taim.

²²Apa ean naiuso khanan, naiuso apa thso Pekahiaüh apa nokpao noikham lilo.

²³Yihudahai Nokpao Uzzia nokshing pon aopungo nouko nai Menaham thso Pekahia Israel nai nokpao tsalo, naiuso apaüh Samaria nai pon nime nok-shing.

²⁴Apaüh Israelhai angei nai nialükhunantsün Nebat thso Nokpao Jeroboam ün tsümeikün hokngam ai hoilut, naiuso APAOU thako angei sunlo.

²⁵Pekalia süpaihoi ongko asong tsak Remalia thso Pekaüh apako Gilead ainou khaiunia aopungo hakü Pekalia tü mongkhem kü, apaüh Pekalia Samaria nai nokpao tsam pemongai loatkü wan, küta apa nokpao noikham lilo.

²⁶Pekaliaüh chhisiyatsün alum Israelhai Nokpaohoi Ngiolat Thsam nai satkü taim.

²⁷Yihudahai Nokpao Uzzia nokshing pon aopungokü nime nouko nai Remalia thso Peka Israel nai nokpao tsalo, naiuso apaüh Samaria nai pon khei nok-shing.

²⁸Apaüh Israelhai angei nai nialükhunantsün Nebat thso Nokpao Jeroboam tsümeikün hokngam ai hoilut, naiuso APAOU thako angei sunlo.

²⁹Peka nokpao noitaoko, Asiriahai nokpao Tiglat Pileserüh Ijon noknio, Abel Bet noknio, Maka noknio, Janoa noknio, Kedes noknio Hazor noknioso naiuso Gilead, Galil, Napthali goumchi nouso thalowan, naiuso khaiuniahoi nou Asiriahai goumchi ai sou au thalokü khuwan.

³⁰Yihudahai nokpao Uzzia thso Jotham nokshing pon khei nouko nai Elat thso Hosheaüh Nokpao Peka tü mongkhem, küta apaüh Peka loatkü wan, naiuso apa nokpao noikham lilo.

³¹Pekaüh chhisiyatsün alum Israelhai Nokpaohoi Ngiolat Thsam nai satkü taim.

³²Remalia thso Pekaüh Israel nai nokpao thakü nokshingtsün pon nime taoko nai, Uzzia thso Jotham Yihuda nai nokpao tsalo

³³nung- taoko apa achetpon kheikü pungo noiküla, naiuso apaüh Yirusalem nai pon chekü luok nok-shing. Apa nyiu Zadok thso menyiuthso Jerusha noiküla.

³⁴Apa po Uzziaüh tsande- tsüntü hoikü, Jothamüh APAOU mungchiotsün chhisiyakü noiküla.

³⁵Lüko Paisilung amkhamthang nouso tsülotheanphe, khaiuniahoi nou aloat chaiuthio naiuso angannyamkü jahtsün chaithio nouso tsülaokü kiu. Amkham Tsam nai Ajenapki Bekhan shantsün nung Jotham noiküla.

³⁶Jothamüh chhisiyatsün alum Yihudahai Nokpaohoi Ngiolat Thsam nai satkü taim.

³⁷Apa nokshing taoko APAOU nou chongting Siriahai Nokpao Resin naiuso Israelhai Nok- pao Peka ne Yihuda komao hongkü noiküla.

³⁸Jotham ean naiuso apa mea David Noknio ai nokpao etam nai khanan, naiuso apa thso Ahazüh apa nokpao noikham lilo.