Read Khiamniungan Naga 2 Nokpao 22 Bible Online

2 Nokpao 22 - Khiamniungan Naga bible

2 Nokpao 22

¹Tilai Josia Yihudahai nokpao tsalo apa achetpon petjei noiküla, naiuso apaüh Yirusalem nai pon aosamkü tsak nok-shing. Apa nyiu Bozkat noksong ainou Adaia menyiuthso Jedida noiküla.

²Josiaüh APAOU nou mongchiotsün chhin; apaüh Goa ngiokhem nouso thatü tsüokü angkü apa paosipo Nokpao David hokngam tü hoilut.

³Apa nokshing pon chekü petjei nouko, Nokpao Josiaüh Meshullam thsao, Azalia thso Shafan, sau apa ün mikhem nai asat noiküla nung oukong ngiopung kankü Amkham Tsamai hong:

⁴“Akhengting meson Hilkia dongai lükhu küta mesonhoi chhisiya nai tsakü noinsoüh Am- kham Tsam nai naptsün khaiuniaso ainou shilotsün tangka titithatso noin tsangsheilokü ashi.

⁵Nung tangka nou Amkham Tsam nai ashanshitsünso sauhai aniakei noin nungso hau lükiuwan ta apatü lüngio. Nung tangka

⁶nou jengtsaiu shantsünso hau, tsamlahtsünso hau, naiuso lung tsansantsünso hau kiuau noin, naiuso tsamlashitsünko the- haau alinpai nou naiuso lung kankeitsünso hau kiuau noin,

⁷Chhisiya tü thaisantsün khaiunia nouso thatü mongtsüohoi, naiuso ngüso thaiutha chai yamko tsümong- lamkü hau ti tsünoiküla. Nungtiphe ngüso phamongko kiutsün tangka to tsüveluha, tiautenai ngüsoüh ngiotsüo nai thumkü chhin.

⁸Shafanüh nokpao nou sattsün thsamsat nou Hilkia au kium, naiuso Hilkiaüh Ngiokhem thsam apaüh Amkham Tsam nai epsaniu ta chiten. Hilkiaüh nung thsam apahau kium naiuso Shafanüh nungtü velu.

⁹Nungai apa nokpao dongai laokü khukü ngiom; “Ni nou tsamki nousoüh Amkham Tsam nai taiutsün tangka nou loküta nung chhi chhitsünso tü paotsangtsün khaiuniahoi hau kiuwaniu.”

¹⁰Nungai apaüh ngiom, “Ngo hau Hilkiaüh kiutsün thsam tsak nou ngo nungko taium.” Naiuso apaüh nung nokpao hau sangsongkü veten.

¹¹Tilai nokpao nou nung thsam vetetsün lula, apaüh apa ne chepek,

¹²naiuso nokpao nou meson Hilkia, Shafan thso Ahikam, Mekaia thso Akbor, asattsün Shafan, naiuso nok- pao yathsüotsün Asaia tü thoilutkü ngiom,

¹³“Asam khukü jü thaiutha naiuso Yihudahai apem thaiutha, nung thsam nouko tsandetsün thaiutha APAOU tü lüsemsei. APAOU sam thako mongmat sungkü noin, tiautenai sam paosiposoüh nung thsam nouko chhiao ngiotsün tsüchhikü taiuwan.”

¹⁴Nungtiphe Hilkia, Ahikam, Akbor, Shafan naiuso Asaiaso ngüso Yirusalem nai kamhoi tsak nai kihtsün e-nyiu tsak nian nou Hulda tü semseiau khu. (Apa tsammongpo Harha thsao nou Tikva thso Shallum, amkham neshe tü paotsangtsün khaiunia noiküla.) Ngüsoüh nung e-nyiu hau ti thawaokü noiküla nung chiten,

¹⁵naiuso nung nyiuhai nou ngüso tü laokü khuküta nung

¹⁶APAOU ainou ngiongem nokpao nou hau lükiu ta ngiom: “Nokpao nou veküshitsün nung thsam nouko sat- kü taiutsünli ngü Yirusalem naiuso nungko noitsün khaiuniahoi nouso hau angja kiuao noin.

¹⁷Ngüsoüh ngo wanküta amao sotsom nouso hau aloat chaithio nouso kiuwaniu nung ngüsoüh chhisiyatsün apem tsangkü ngo mongmat sung-in. Jü amongmat Yirusalem thako sung-iu, naiuso nung tsünyapjikan shi-e.

¹⁸Nokpao tengkhaiu thaiutha ngo, APAOU Israel Goa nou nung ngioji: Ni nung thsam nouko ti sattaium nungtü anglu,

¹⁹naiuso jükhako ni achija henkü iulakü aneshe chipekkü shap naiuso mongphokle, nung ni Yirusalem naiuso nungko noitsün khaiuniahoi ngo titi lohat naiuso angjakiu nung ni lulakü noiküla. Nung athang sübao khaiuniahoi nou athesan au kankei-e nung epnai lekkat au athang tsak shan-e. Lüko ngü a misao lula-iu,

²⁰alohat sübao ngü Yirusalem khako kankü shi-e nung ni mo eankün khakoto tsüchhi-e. Ngü ni aalu nai ean-i-e.” Nung khaiuniahoi nou Nokpao Josia dongai nung ngiongem kankü laokü khu.