Read Khiamniungan Naga 2 Nokpao 23 Bible Online

2 Nokpao 23 - Khiamniungan Naga bible

2 Nokpao 23

¹Nokpao Josiaüh Yihudahai ahei naiuso Yirusalemhai aheihoi apem jonkam,

²küta kam- lokü ngüso mesonhoi, e-pohoi, naiuso memei si tsosilu tsü emekü khaiunia apoi nouso apemüh lamthiokü Amkham Tsamai khu. Athalou-etsün Thsam sübao Amkham Tsam nai epsankü noiküla nung thsam athum nokpao nou sang asong nou ngüso khako veten.

³Apa nokpao tsam kheampao dongko tsaküta ngiokhem thsam nai satkü taiutsünli athalou- etsün tü intso shimkü noitsün naiuso APAOU tü angio angkü theau, apa mongpem apem nou, onthso nou, achhisiyaau saotsün apem chhiau iula au APAOU nouko athalou-e tsak shan. Naiuso khaiunia chikü nou athalou-e nou kankei-e ta thaloum.

⁴Nungai Josiaüh Akhengting Meson Hilkia, naiuso apa khemko meson nouso, naiuso Amkham Tsamai naptsün koukhanko ehü nousotü Baal amkham taoko kankeitsün jeng- tsaiu nouso, Ashera sotsom, naiuso kianthsüo nouso amkham taoko kankeitsün jengtsaiu apem Amkham Tsam ainou yanshiau ngiokhem kium. Nokpao nou nungso jengtsaiu Kidron tsamei shimkü noknio bechiai in nai jathiowan, naiuso amut nou Bethel ai kankü khu.

⁵Baal, aje alei, planet nouso, naiuso kianthsüo nouso hau aloat chaithio kiutsün meson nouso apem Yihudahai noknio nouso apem naiuso Yirusalem shimkü noitsün paisilung amthang nouso ainou Yihudahai nokpao nousoüh aloat chaithio kiuau losiokü taiukiutsün mesonhoi nouso apaüh ngüso chhisiya ainou nian wanan.

⁶Apaüh Amkham Tsam ainou Ashera sotsom noknio ainou lokü khuküta Kidron tsamei ai jahwan, nungso amut pukhauli thiopek, küta nung apin etam kheng kha nai sokpengan.

⁷Apaüh Amkham Tsam nai ajisiwop chhitsünso tsam lo- thean. (Ashera amkham taoko meson phakhut nouso nung menyiuhoi nou nungko lahsantsün noiküla.)

⁸Yihuda noknio nouso nai noitsün mesonhoi apaüh Yirusalem ai nialokü shin, naiuso goumchi thapokkü amkham kiutsün amthang nouso chipengkü taiukiu. Apaüh loüh wonbiya hau amkham kiutsün amthang nouso sübao noknio nokshingpaou Yihu- suaüh bekhan dongko lahkü taiuküla nung lothean, nung noknio nai nap- tsün bekhan atengting nouko tsatai nainoiküla.

⁹Nungso mesonhoi hau Amkham Tsam nai yathsüoau ayam tsüsopkiu, lüko ngüso paiusihai meson nouso hau kiutsün phoplao tsüthiokün themtsai to ngüsoüh hekü shiukü noiküla.

¹⁰Khaiunia sauüh meshen melothso tsüdekünai menyiuthso ajahtsün Molek goa hau chaithio tsükiushiau Nokpao Josiaüh Hinom Tsamei nai paisilung amkham thang Tofet lüko lothekü wan.

¹¹Apaüh loüh Yihu- dahai nokpao nousoüh aje amkham nai hau losiokü taiutsün mokthso nouso lowan, naiuso amkham nai kankeitsün mokthso tsamkei nouso in nai jahwan. (Nungso asonghoi tsak nian nou nouko taiukü noiküla.)

¹²Nokpao Ahaz ün tsam nouso khü- tha nai Yihudahai nokpao nousoüh shantaiutsün amthang nouso, Nokpao Josiaüh hethiowan, nungko hakü Nokpao Manaseüh Amkham keng nime nai amthang shantaiu nou lüko hakü nelangkü lothean küta nungso Kidron tsamei nai yak- thiowan.

¹³Achinyan sotsom nouso: Sidonhai goa Astart, Moabhai goa Kemos, naiuso Ammonhai goa Molek-amkhamau Yirusalem ajepek nai, naiuso Olip king ajepekki nai Nokpao Solomonüh lahtaiutsün am- pou nouso Nokpao Josiaüh lothekü wan.

¹⁴Nokpao Josiaüh lungkheam nouso nelangkü lopekkü wan, Ashera sotsom nouso sah nou hehongkü wan, naiuso ngüsoüh nungso taiutsün goh nou apaüh khaiunia Ou nousoüh alopokkü wan.

¹⁵Israelhai angei ai nialükhun- tsün, Nebat thso Nokpao Jeroboam tsangkü Bethel nai amkham tsam lataiutsün athang nouso lüko Josiaüh lothean. Josiaüh amthang nouso laopengkü wan, lung nouso nelangkü thiopek, naiuso puoau tha- nekü thiopekkü wan; naiuso apaüh Ashera sotsom nou in nai jahwan.

¹⁶Nungai Josiaüh apa lemkü thap, naiuso apaüh kingson nai etam ajantso epkü, nung etam ainou ou nouso soian küta ampou nai jahküwan. Nungli Nokpao Jeroboam amthang dongko tsakü noitaoko e-po nou piamkü aita ngiotaiutsün am- thang nouso lothekü wan. Nokpao Josiaüh lemkü thapnai, nung khapiam ngio taiutsün e-po etam nou ep.

¹⁷“Nung etam sau etam noin?” ta apaüh sangkü noiküla. Bethel nai noitsün khaiuniahoi nou thalakü ngiom, “Nung amthang khako ni chhisiya au khapiam ngio- taiutsün nung Yihuda ainou shikü noitsün e-po nou etam noin.”

¹⁸“Nungto nungti lüwan,” ta Josiaüh ngiom. “Apa Ou nouso tsü soisoiau noin.” Nungtiphe apa Ou nouso naiuso Samaria ainou shitsün e-po nouso Ou lüko tsüsoishi.

¹⁹Sübao nou APAOU mongmat sung-ikü noiküla, nung paisilung amkham thang nouso Israelhai Nokpao nousoüh lahtaiukü noitsün Israelhai noknio pungkü ainou Nok- pao Josiaüh lothekü wanan. Apaüh nung amthang nouso apem ta Bethel nai nouta chhisiyatsün khekkü chhin.

²⁰Apaüh nung paisilung amkham nai chhitsün mesonhoi ngüsoüh yathsüokü noitsün amthang nouso khako apem loatkü wan, naiuso amthangpou pungkü nai apaüh khaiunia Ou nouso in nai jathiowan. Nungphiai apa Yirusalem ai laokü khu.

²¹Nokpao Josiaüh athalou-etsün thsam nai satkü taiutsünli, ngüso Goa, APAOU nou asuhat kiukü Aasan sümai saoheau khaiuniahoi hau ngiokhem kium.

²²Mikhemhoi nok- shing tao ainou shitsün ainou Yihudahai tsüdekünai Israelhai nok- paohoi nou tsaküh lüko nungli Aasan Sümai tsaktso saohekü tsünoiküla.

²³Lo, aphiteng nai, Josia nokshing pon chekü petjei nouko, Yirusalem nai nung Aasan Sümai saohe.

²⁴Akhengting Meson Hilkiaüh Amkham Tsam nai epsantsün ngiokhem thsam nai satkü taiutsün ngiokhem nouso chhisiya nai kan- keikü khu-iau thaiutha ko, Nokpao Josiaüh mea onthso nouko chite- tsünso naiuso aküo ngiokiutsünso tsamkhaiu nai taiutsün sotsom nouso, Paisilung sotsom amao nouso apem, Yirusalem ainou naiuso Yihuda goumchi apem ainou lowan.

²⁵Nokpao sauüh APAOU nou meshen mongpem thumkü nou, oukong thumkü nou, naiuso mongyang athum nai yathsüokü, Mosa Ngio- khem nouso chikü angio angkü, apa khako apa khekkü tsünoili, tsüde- künai loüh apa phiai apa khekkü nokpao tsaktso tsünoishiküla.

²⁶Lüko Yihudahai Nokpao Manaseüh chhisiyakü shitsün thako APAOU mongmat sung-itsün Yihu- dahai thako losaokü nung tsülaokülu noin.

²⁷APAOU nou ngiom, “Ngü Israelhai tü ti chhisiyakü shin nung Yihudahai ta lüko chhi-e: Ngü Yihudahai khaiunia jünioko ainou lomowane, naiuso ngü chosantsün noknio Yirusalem, Amkham Tsam, sübao amkham kiuau ngiokü taium, nung wanan.”

²⁸Nokpao Josiaüh chhisiyatsün alum Yihudahai Nokpaohoi Ngiolat Thsam nai satkü taim.

²⁹Tilai Josia nokpao noiküla, Ijip hai Nokpao Nekoüh Asiriahai nokpaotü hachuau Eufrates Haiu ai süpaihoi nou nia- lokü shin. Nokpao Josiaüh Meggido ai Ijip hai süpaihoi lolaokü wanau kowe, naiuso apa ehli nai loatkü wan.

³⁰Apa khemko asonghoi nou apa mea ehli tsamkei tsakko lokthioküta Yirusalemai kankü shin, nungko apa mea nokpaohoi etam nai khanan. Yihuda haiüh Josia thso Joahaz choloküta nokpao theau tsomkium.

³¹Tilai Joahaz Yihudahai nokpao au tsalo, apa achetpon kheikü süme noiküla, naiuso apaüh Yirusalem nai alei süme nok-shing Apa nyiu Libna noknio ainou Yerimia menyiuthso Hamutal noiküla.

³²Apa paosipo- soüh chhikü shitsünlilu apaüh APAOU thako angei chhin.

³³Apa nokshing tilai Ijip Nokpao Nekoüh apa thalokü Hamathai goumchi ai Ribla nai sua au kankü khuwanküta Yihudahai hau tangkason tsoi 3, 400, naiuso chaiou lakkeng tsoi aosamkü püle kiu-ikü thetsünko aikü thonan.

³⁴Nokpao Nekoüh Josia thso Eliakim Josia tü lilokü Yihudahai Nokpao au shan, naiuso apa nian Jehoiakim ta liankiu. Joahaz nung nokpao Nekoüh Ijip ai kankü khuwan, küta apa nungai ean.

³⁵Ijip nokpao nou saotsün nai kiuau khaiuniahoi nou ta ngüso jengtsaiu taiutsün tü omtso apotsün chai losanau Nokpao Jehoiakim üh liukim nou kamsan.

³⁶Tilai Jehoiakim Yihudahai nokpao tsalo, apa achetpon kheikü pungo noiküla; naiuso apaüh Yiru- salem nai pon chekü tsak nok-shing. Apa nyiu Ruma noksong ainou Pedaia menyiuthso Zebida noiküla.

³⁷Apa paosiposo saisile khekkü Jehoiakimüh APAOU thako angei nou chhin.