Read Khiamniungan Naga 2 Nokpao 8 Bible Online

2 Nokpao 8 - Khiamniungan Naga bible

2 Nokpao 8

¹Lo Elishaüh Shunem nai kihtsün menyiu sau melothso apaüh ee ainou lo ah-kium apatü apa tsammongsoko hakü khuküta amao tsak ai kih au ngiom, tiautenai APAOU nou nung goumchi nai pon chinyat thaiutha naiusile hongji ta ngiom.

²Nung nyiuhai nou Elishaüh ayam hantsün tü hoilutkü apa meshen tsammongsoko hakü pon chinyat thaiutha Filistia nai kih-an.

³Pon chinyat athun nai, nung nyiuhai nou Israel nai laokü yashin naiuso nokpao dongai khukü apa tsam naiuso apa goh laokiushiau sangkü noiküla.

⁴Nung nyiuhai nou nokpao Elisha yathsüotsün Gehazi ko chitetsün ep; nungko nokpao nou Elisha ün ii athanga thaiutha ngeau mongchiokü noiküla.

⁵Gehaziüh nokpao nou hau Elishaüh titi thekü eankü noitsün khaiunia tsak ahshikü shi-in ta chitekü noitsün taoko, nung menyiu nou nokpao tü apa kojatsün ngiom. Gehaziüh apatü ngiom, “Asuhatkü noitsün Nokpao, nung menyiu naiuso apa thso sau Elishaüh aakih laokü kiushin apa nungko noin!”

⁶Nokpao nou sangtsün ta thashikü, nung nyiuhai nou Gehazi ngiolat lomongkiu, naiuso nungti nokpao nou apa khemko noitsün asong tsak tü jonkü ngiom: nung nyiuhai hau apaüh taiutsün alum pon chinyat apa tsünoikün tao eiu ai be-eiuyam yamtsün chihsikhiam mai apem hakü laokü lükiu ta apatü ngiom.

⁷Siriahai Nokpao Benhadad akia noitaoko Elisha Damaska ai khukü noiküla. Tilai nokpao nou hau Elisha nungko noin ta chiten,

⁸apaüh apa khemko asonghoi ongko tsak nou Hazael tü ngiom, “Epo nou hau paopei tsak kiuau alo, küta apatü ngo akia ainou meila-e süne tsümeila-e ta APAOU noutü asemseikiu ta lüsang.”

⁹Nungtiphe Hazaelüh Elisha hau Damaska nai sungtsün ameiting jengtsaiu nouso gado thsa aopüle khemsankü kankü khu. Tilai Hazael Elishako pheten, apaüh ngiom, “Ni yathsüotsün Nokpao Benhadadüh apa akia ainou meila-e süne tsümeila-e ta nitü sangluau ngo hongkü noin.”

¹⁰Elishaüh thalakü ngiom, “Apa eane ta APAOU nou ngo hau haniu; lüko apa dongai khukü apa akia ainou meila-e ta lüchite.”

¹¹Nungai Hazael miamatkü mo-iulakün lektso Elishaüh tsühenyikü apa khaai langlutkü thap. Alekta Elisha tü nio- chekhiam saom.

¹²“Ni tiauta shapji, APAOU?” ta Hazaelüh sangkü ngiom. Elishaüh thalakü ngiom, “Tiau- tenai ni Israelhai khaiunia thako tsümeitingkü chhi-e ta ngü ngeji.” “Ngüsoün koilop nousotü ni innou jeklute, ni ngüso oum khaiunia amei- ting nouso chaoate, ngüso methso ehen nouso ni nelangkü tapneane, naiuso ni ngüso nyiuhai pemtsükeng- kü noi nouso konsate.”

¹³Hazaelüh sangkü ngiom, “Ngo nungti oukongkü titi thekü noiau shio-e?” “Ngo titso tsüde!” Elishaüh thalakü ngiom, “Ni Siriahai nokpao au the-e ta APAOU nou ngo hau haniu.”

¹⁴Hazael nungai Benhadad dongai laokü khu, nungai nokpao nou apa tü sangkü ngiom, “Elishaüh ti ngioji?” Hazaelüh thalakü ngiom, “Apaüh ni tongtü meila-e ta ngo hau chiten.

¹⁵Lüko nungthan ajekhaiu nai Hazaelüh ne ateitham tsak loküta nung khiam nai amkü lopai, naiuso nungüh nokpao nou loipokkü loatan. Naiuso Hazaelüh Siriahai nokpao Benhadad nokpao noikham lilo.

¹⁶Israelhai nokpao Ahab thso Jehoram nokshing pon pungo nouko nai, Jehoshafat thso Johoram nung Yihudahai nokpao au tsalotsün,

¹⁷taoko apa achetpon aosamkü nime shimkü noiküla, naiuso apaüh Yirusalem nai pon püjei nokshing.

¹⁸Apa tsammongnyiu nung Ahab thso noiküla, naiuso Ahab tsamkhaiu khekkü apaüh lüko Israelhai nokpao nouso tsümeikün yamai hoilut. Apaüh APAOU thako angei sunlo,

¹⁹lüko APAOU nou Yihuda lotheanau tsümongchiokü noiküla tiautenai apaüh apa yathsüotsün David tü apa thsaosithsosoüh nokshing tsülaokü shinge ta thaloukü noiküla.

²⁰Jehoram nokshing taoko Edom- haiüh Yihudahai thako khengshikü tsalo naiuso ngüso nokshing molükhunan.

²¹Nungtiphe Jehoramüh apa tsamkeiso apem khemloküta Zair ai khu, nungai Edomhai süpaihoi nou ngüso lemlowan. Aso taoko apa naiuso tsamkei ahei nousoüh shiolo- küta khuloau shiom, naiuso apa süpaihoi nouso ngüso tsamai khupengan.

²²Nungtaoko ainou Edomhai Yihudahaiko nou meshen chija nokshing iula. Nungtaokolu Libnahai noknio nou lüko khengshikü noiküla.

²³Jehoram nokpaoüh chhisiyatsün alum Yihudahai Nokpaohoi Ngiolat Thsam nai satkü taim.

²⁴Jehoram ean, naiuso apa David Noknio nokpao etam nai khanan; naiuso apa thso Ahaziaüh apa nokpao noikham lilokü noiküla.

²⁵Ahab thso Joram Israelhai nok- pao pon chekü nime nokshing taoko, Jehoram thso Ahazia Yihudahai nok- pao tsalo

²⁶nungtaoko apa achetpon kheikü nime shimkü noiküla, naiuso apaüh Yirusalem nai pon tsak nok- shingkü noiküla. Apa nyiu Israelhai Nokpao Omri thsao naiuso Nokpao Ahab menyiuthso Athalia noiküla.

²⁷Ahaziaüh tsamsigoh yangtsün tsangkü Nokpao Ahab ko shimekü noiphe, apaüh lüko Ahab tsamkhaiuüh chhikü shitsün khekkü APAOU thako angei sunlo.

²⁸Siriahai Nokpao Hazael thako nokpao Ahazia nung Israelhai Nokpao Joram ko halutkü ehli tsak noiküla. Süpaihoi nou Gilead goum- chi Ramot nai wao-e, naiuso Joram nung ehli nai tawaikü noiküla.

²⁹Apa tawaitsün ainou meiloau apa Jezeelhai noknio nai laokü khu, naiuso nungai Ahazia apa dongai khukü sailu.