Read Khiamniungan Naga 1 Ateng Chhi 10 Bible Online

1 Ateng Chhi 10 - Khiamniungan Naga bible

1 Ateng Chhi 10

¹Filistiahai Israelhai thako Gilbeon king nai ehlikü noiküla. Nungko Israel hai piakü loatan, naiuso apoi nouso Nokpao Saul naiuso apa thsoso hakü khulükhunan.

²Lüko Filistia haiüh ngüso kumkü khukü Saul thsoso süme Jonathan, Abinadab, naiuso Malkishua so thaloukü loatkü wan.

³Saul lemkü ehli nou thatü thsüokü iula, naiuso apa tü ehoi chon nou pepkü thatü thsüokü tawaikü noiküla.

⁴Apaüh apa dunsiyam semtsün oum tsak nou tü ngiom, “Alaiüh ngü ta chiküta ngo aloatan, nung goa tsüngekünso hau ngü ta lashiolo-i.” Lüko nung oum khaiunia nou nung chhiau thatü henyikü noiküla. Nungtiphe Saulüh apa dun meshen chija loküta chi-atlou.

⁵Oum khaiunia nou Saul eankü ep, nungtiphe apaüh lüko meshen chija apa laiüh chi-lokü ean.

⁶Nungti Saul naiuso apa thsoso apem aikü ean naiuso loto apa thsaosithsoso sauüh nokshing tsüshingshi.

⁷Tilai Jezreel Tsamei nai kihtsün Israel haiüh ngüso süpaihoi khulükhuniu naiuso Saul thsoso süme naiuso Saul eaniu ta lula, ngüsoüh ngüso noksong nouso leankü khuwan. Nungai Filistia hai shikü nung athang nou thalowan.

⁸Nung ehli than nou nyi, Filistia hai mea nouso noi nai jengtsaiu kamheau shi nai, ngüsoüh Saul naiuso apa thsoso mea Gilboa King ai yaktaiukü ep.

⁹Ngüsoüh Saul khaiu taplo, apa ehli shitho nouso khosan, küta ngüso sotsom nouso naiuso khaiunia nouso hau nung ngiongem Filistia thapekkü chiteau hongpeng.

¹⁰Ngüsoüh apa ehli shitho nouso ngüsoüh amtsün amkham tsam tsak ko taiu naiuso apa khaiu ngüso goa Dagon amkham tsamai taiu.

¹¹Tilai Gilead nai noitsün Jabes khaiunia hoi nou Filistia haiüh Saul tü ti chhin nung lula,

¹²mongnyan khaiunia nouso khuküta Saul naiuso apa thsoso mea lokü Jabes ai kankü khu. Ngüsoüh lampai sokhem tsak ko ngüso mea khanan naiuso ajekhaiu chinyatnyi keithon lokü noiküla.

¹³Saul eantsün tiautenai apaüh APAOU angio tsü-angtsün shioko noiküla. Apaüh APAOU athoilut nouso angio tsü-ang; APAOU tü sanglo au nou liko,

¹⁴apaüh mea won nousotü yamnia sangau kowekü noiküla. Nungthako APAOU nou apa loatkü wan küta apa nokshing Jese thso David hau kiuwan.